ខេត្តស្វាយរៀង៖ក្រោយពីមានផ្ទុះនូវជង្ងឺប៉េស្តជ្រូកអាហ្វ្រិកនៅភូមិសាស្ត្រទឹកដីខេត្តស្វាយរៀងនោះនិងលោក ម៉ែន វិបុល អភិបាលខេត្តស្វាយរៀងបានដាក់បទបញ្ជាអោយមន្ទីរអង្គភាពដែលមានការពាក់ព័ន្ធត្រូវយកចិត្តនិងទប់ស្តាត់រាល់ការនាំចូលសាច់សត្វពីប្រទេសដោយខុសច្បាប់។
ជាក់ស្តែងនៅរសៀលថ្ងៃសៅរ៍ ៤រោច ខែអាសាឍ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី ២០ ខែកក្កដា ឆ្នាំ២០១៩នេះសមត្ថិកិច្ចយើងបានឃាត់បាន សាច់មាន់ ជើងមាន់ កោះមាន់ ដែលឈ្មួញលួចនាំចូលមកពីប្រទេសវៀតណាមខុសច្បាប់ចំនួន៣៤២ គីឡូក្រាម ។
ករណីនេះបង្ក្រាបសាច់សត្វដែលឈ្មួញលួចនាំចូលនោះកម្លាំងអធិការរដ្ឋាន សហការជាមួយកម្លាំងការិយាល័យជំនាញខេត្ត មន្ត្រីករិយាល័យផលិតកម្ម និងបសុព្យាបាលខេត្តកម្លាំងប៉ុស្តិ៍នគរបាលរដ្ឋបាល និងកម្លាំងអនុវត្តច្បាប់ចរាចរណ៍ផ្លូវគោក គោលដៅលើផ្លូវលេខ៣១៤ ស្ថិតក្នុងភូមិគយត្របែក សង្កាត់គយត្របែក ក្រុងស្វាយរៀង បានធ្វើការត្រួតពិនិត្យម៉ូតូរឺម៉ក ដឹកត្រីរបស់ក្រុមឈ្មួញវៀតណាម រកឃើញសាច់មាន់ ជើងមាន់ កោះមាន់ ជាប្រភេទបោចហើយចំនួន ៣៤២គីឡូក្រាម ដែលនាំចូលដោយខុសច្បាប់ពីប្រទេសវៀតណាមនិងបានដុតកម្ទេចចោលផងដែរ៕ដោយ៖ជា រដ្ឋា
