ភ្នំពេញ៖កម្លាំងប៉ុស្តិ៍រដ្ឋបាលគោកឃ្លាង បានធ្វើការឃាត់ខ្លួន ជនសង្ស័យម្នាក់ ករណីលួចយកទូរសព្ទ័ដៃ នៅចំណុចលេខ២C ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ នៅថ្ងៃទី២៥ខែកក្កដាឆ្នាំ២០១៩ វេលាម៉ោង ០៣ និង៣០នាទីទៀបភ្លឺ ។
ប្រភពពីសមត្ថកិច្ចបានអោយដឹងថាជនសង្ស័យម្នាក់មាន ឈ្មោះ លន់ សុខចាន់ ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ២២៩ ផ្លូវជាតិលេខ៦ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ (មានសារធាតុញៀន) ។
ចំណែកឯជនរងគ្រោះមាន ឈ្មោះ ថៃ ម៉ូលីន ភេទប្រុស អាយុ៣៦ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន ស្នាក់នៅផ្ទះលេខ២ ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។
សម្ភារៈបាត់បង់ ៖ គ្មាន ។
សម្ភារៈបន្សល់ទុកមាន ទូរសព្ទ័ដៃ០១គ្រឿង ។
ប្រភពដដែលបានបន្ដថាមុនពេលកើតហេតុ ជនរងគ្រោះជនរងគ្រោះកំពុងដេកក្នុងបន្ទប់របស់ខ្លួន ស្រាប់តែមានជនសង្ស័យ ខាងលើ បានធ្វើសកម្មភាពបើកមុងរបស់ជនរងគ្រោះយកទូរសព្ទដៃបានរួចគេចខ្លួន បន្ទាប់មកកម្លាំងល្បាតប៉ុស្តិ៍គោកឃ្លាងបានធ្វើការល្បាតឃើញជនសង្ស័យកំពុងដើរតាមផ្លូវ ដោយសង្ស័យសមត្ថកិច្ចយើងបានឃាត់ខ្លួនជនសង្ស័យធ្វើការត្រួតពិនិត្យ រកឃើញវត្ថុតាងខាងលើ និងមានចម្លើយសារភាពរបស់ជនសង្ស័យ សមត្ថកិច្ចយើងក៍នាំខ្លួនជនសង្ស័យយកមកធ្វើការសាកសួរនៅអធិការដ្ឋាននគរបាលខណ្ឌសែនសុខ រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
