ភ្នំពេញ៖រថយន្តសេរីទំនើបរបស់ជនជាតិចិនមួយ បើកបរ ខ្វះការប្រុងប្រយ័ត្ននៅផ្លូវបំបែកជាបួន បានជ្រុលទៅបុកនិងម៉ូតូកង់បី ដែលជិះដោយបុរសម្នាក់ បណ្តាលអោយក្រឡាប់ផ្ងារជើងមួយចំហៀង បណ្តាលអោយ បើកម៉ូតូ រងរបួសបែកក្បាលផងដែរ ហេតុការណ៍នេះបានកើតឡើង នៅវេលាម៉ោង១០និង៥០នាទីយប់ ចំនុចស្តុបទូតចិន ផ្លូវ១៧៣កែងនិងផ្លូវ ម៉ៅសេងទុង សង្កាត់ទំនប់ទឹក ខណ្ឌចំការមន ។
តាមប្រភពពត៌មាន ពីន្លែងកើតហេតុ បានអោយដឹងថា មុនពេលកើតហេតុ គេបានឃើញ បុរសម្នាក់ បានបើកម៉ូតូ កង់បីខ្មែរ ធ្វើដំណើរតាមផ្លូវ ម៉ៅសេងទុង ក្នុងទិសដៅ ពីជើងទៅត្បូង ខណៈមកដល់ចំនុចកើតហេតុ ដែលជាផ្លូវបំបែកជាបួន ព្រមទាំងមានភ្លើងស្តុបផងនោះ ក៍ស្រាប់តែមានបុរសជាជនជាតិចិនម្នាក់ បានបើករថយន្តសេរីទំនើប ម៉ាក ហ៊ីយ៉ានដាយ ពណ៌ស អត់ស្លាកលេខ បានបោះពួយ តាមផ្លូវ១៧៣ ក្នុងទិសដៅ ពីកើតទៅលិច ដោយខ្វះការប្រុងប្រយ័ត្នក៍ជ្រុលទៅនិងម៉ូតូកង់បីខ្មែរ បណ្តាលអោយក្រឡាប់ជើងមួយចំហៀង ព្រមទាំងធ្វើអោយអ្នកបើកម៉ូតូ រងរបួសបែកក្បាលហូរឈាម ត្រូវដឹកតាមម៉ូតូកង់បីយកទៅព្យាបាលរបួសនៅមន្ទីពេទ្យ ។
ដោយឡែកខាងរថយន្តវិញ រងការខូចខាត ក្រពិតថ្ពាល់មុខចំហៀងស្តាំ តែមិនមានគ្រោះថ្នាក់ដល់អ្នកបើកបរ ដែរជាជនជាតិចិននោះ ។
ក្រោយពេលកើតហេតុ ឃើញសមត្ថកិច្ចមូលដ្ឋាន បានចុះទៅកន្លែងកើតហេតុ រួចហើយក៍បាន អោយតំណាងភាគីទាំងសង្ខាង ធ្វើការសម្របសម្រួលគ្នា ដោយខាងរថយន្ត បានសងសំនងទៅខាងម៉ូតូកង់បីចំនួន៣៥០ដុល្លារ ដើម្បីបញ្ចប់រឿង ៕
