ខេត្តកំពង់ចាម ៖មានករណីគ្រោះថ្នាក់ចរាចរណ៍ រវាងរថយន្ដនិងម៉ូតូបណ្ដាលអោយមនុស្សប្រុស-ស្រី២នាក់ស្លាប់ភ្លាមៗនៅនិងកន្លែងកេីតហេតុ ហេតុការណ៍បានកេីតឡេីងនៅថ្ងៃទី២៩ ខែកក្កដាឆ្នាំ២០១៩ វេលាម៉ោង៣និង៣០នាទីទៀបភ្លឺនៅលើផ្លូវជាតិលេខ៦ ចន្លោះគីឡូម៉ែត្រលេខ៨៣-៨៤ភូមិសង្កែ ឃុំស្តើងជ័យ ស្រុកជើងព្រៃ ខេត្តកំពង់ចាម។
ប្រភពពីកន្លែងកេីហេតុបានអោយដឹងថា ម៉ូតូម៉ាកC125 ពាក់ស្លាកលេខកំពង់ចាម 1C-5675 បើកបរដោយឈ្មោះជួន មនភេទប្រុស អាយុ៣៧ឆ្នាំ មានទីលំនៅភូមិលិចវត្ត ឃុំថ្មពូន ស្រុកព្រៃឈរ ខេត្តកំពង់ចាម និអ្នករួមដំណេីរម្នាក់ បើកពីជើងទៅត្បូងលុះមកដល់ចំណុចកេីតហេតុបានបុករថយន្តម៉ាកហ៊ីណូកោះកុង 3A-0328 អ្នកបើកបរមិនស្គាល់អត្តសញាណ ក្នុងទិសពីជើងទៅត្បូងដូចគ្នាបានបុកពីក្រោយ ពេញទំហឹងបណ្តាលអោយស្លាប់២នាក់នៅនិងកន្លែងតែម្ដង។
ក្រោយពីកេីតហេតុអ្នកបេីកបររថយន្ដបានរត់គេចខ្លួនបាត់ស្រមោលបន្សល់ទុកតែរថយន្ដនៅនិងកន្លែងកេីតហេតុ។
អ្នកដែលស្លាប់២នាក់មានឈ្មោះទី១-ឈ្មោះជួន មន ភេទប្រុសអាយុ៣៧ឆ្នាំ ទីលំនៅភូមិលិចវត្ត ឃុំថ្មពូន ស្រុកព្រៃឈរខេត្តកំពង់ចាម ។
ទី២-(អ្នករួមដំណើរ)ឈ្មោះអ៊ុន ច្រឹប ភេទស្រី អាយុ៣៣ឆ្នាំ ទីលំនភូមិតាមាស ឃុំគរ ស្រុកព្រៃឈរ ខេត្តកំពង់ចាម ។
សមត្ថកិច្ចសន្និដ្ឋានថា មូលហេតុដោយសារម៉ូតូប្រើប្រាស់ល្បឿនលឿនបណ្តាលឲ្យទៅបុករថយន្តបើកស្របទិសពីក្រោយ។
ក្រោយពេលកើតហេតុកម្លាំងជំនាញបានយកវត្ថុតាងមករក្សាទុកនៅប៉ុស្តិ៍ស្តើងជ័យ នៃអធិការដ្ឋាននគរបាលស្រុកជើងព្រៃ និងកំពុងស្វែងរកអ្នកបើកបររថយន្ត ចំណែកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
