ខេត្តស្វាយរៀង៖យ៉ាងហោចណាស់ផ្ទះពលរដ្ឋ៩ខ្នងនៅភូមិស្វាយ ឃុំសំឡីស្រុកកំពង់រោទ៌ ត្រូវខ្យល់កន្ត្រាក់គួចបក់បោករលំ៦ខ្នងទាំងស្រុងនិងរបើកដំបូល៣ខ្នង។ហេតុការណ៍នេះបានកើតឡើងនៅវេលាម៉ោង១និ២៥នាទីរសៀលថ្ងៃទី៣១ខែកក្កដាឆ្នាំ២០១៩នេះ។
បើតាមសមត្ថកិច្ចនគរបាលប៉ុស្តិរដ្ឋបាលឃុំសំឡីបានឲ្យដឹងថាកាលពីរសៀលថ្ងៃទី៣១ខែកក្កដានេះមានភ្លៀងនិងខ្យល់កន្ត្រាក់បោកបក់យ៉ាងខ្លាំងលាយឡំនិងផ្គរន្ទះ ខណះនោះខ្យល់កំណាចបានគួចយកផ្ទះពលរដ្ឋរលំទាំងស្រុងអស់៦ខ្នងនិង៣ខ្នងទៀតរបើកដំបូល។
ពលរដ្ឋដែលរងគ្រោះរលំផ្ទះដោយខ្យល់កន្ត្រាក់ចំនួន០៩ខ្នងនោះមានឈ្មោះទី១.សួន ចន្ថាភេទប្រុសអាយុ៤៥ឆ្នាំទី ២.ម៉ម សាខុន ភេទប្រុសអាយុ៥៦ឆ្នាំ ទី៣.ព្រំ ចក់ភេទប្រុសអាយុ៤៩ឆ្នាំទី ៤ .មុំ ប្រុសភេទប្រុសអាយុ២៦ឆ្នាំ ទី៥ ឃួន ដឿនភេទប្រុសអាយុ៥៤ឆ្នាំ ទី៦ .វង សំណាងភេទប្រុសអាយុ៤៥ឆ្នាំ ៧. ឡេស ម៉ាត់ អាយុ៤៧ឆ្នាំ ទី៨ . បែន នឿន ភេទស្រីអាយុ៦៦ឆ្នាំ ទី៩. ពៅសាម៉នភេទប្រុសអាយុ៤៧ឆ្នាំ។
សមត្ថកិច្ចនគរបាលបានបន្តទៀតថាចំពោះករណីខ្យល់កន្ត្រាក់បណ្តាលរលំផ្ទះ៩ខ្នងនេះ បានរាយការណ៍ទៅលោកអភិបាលស្រុកកំពង់រោទ៌ហើយដើម្បីផ្តល់អំណោយសង្គ្រោះបន្ទាន់ដល់គ្រួសាររងគ្រោះ ហើយសមត្ថកិច្ចនិងត្រៀមជាកម្លាំងជួយជុសជុលនិងកសាងផ្ទះរបស់ពលរដ្ឋឡើងវិញផងដែរ។ដោយ៖លោកជា រដ្ឋា
