កំពង់ចាម៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នារសៀលថ្ងៃទី០១ ខែសីហា ឆ្នាំ២០១៩នេះ បានដឹកនាំមន្ត្រីជំនាញអញ្ជើញចុះពិនិត្យស្ថានភាពច្រាំងទន្លេ ដែលរងផលប៉ះពាល់ដោយការបាក់ស្រុតចំនួន០២កន្លែង ដោយកន្លែងទី០១ ស្ថិតនៅក្នុងភូមិពង្រលើ ឃុំពង្រ ស្រុកកោះសូទិន សូមបញ្ជាក់ផងដែរថា ការបាក់ច្រាំងទន្លេនេះគឺតាំងពីឆ្នាំ២០១៣ មកម្ល៉េះ ដែលបានបាក់ច្រាំចូលទន្លេ១០ម៉ែត្រ បណ្ដោយ៥០ម៉ែត្រ ជំរៅ០៩ម៉ែត្រ ក្នុងអំឡុងពេលនោះត្រូវបានរៀបចំធ្វើទំនប់ទប់ការប្រាក់ច្រាំងទន្លេរជាបណ្តោះអាសន្ន ហើយមកដល់បច្ចុប្បន្ននេះបានបាក់ចូល ប្រវែង១៥ម៉ែត្រ និងជំរៅ០៩ម៉ែត្រ និងមួយកន្លែងទៀតស្ថិតនៅភូមិផ្សារថ្មី ឃុំពាមប្រធ្នោះ ស្រុកកោះសូទិន ខេត្តកំពង់ចាម។
ឯកឧត្តម អ៊ុន ចាន់ដា បានចាត់ឲ្យមន្ត្រីជំនាញធ្វើការពិនិត្យនិងវាយតម្លៃ ដើម្បីរៀបចំផែនការសម្រាប់ការទប់ស្កាត់នៃការបាក់ច្រាំងទន្លេនេះ បន្តមកទៀត ឯកឧត្តមក៏បានចុះពិនិត្យមើល ស្ថានីយបូមទឹកវ៉ៃគោ ដែលស្ថិតនៅក្នុងភូមិរកាកោងត្បូង ឃុំមហាលាភ ស្រុកកោះស្ទិនផងដែរ ៕
