កំពង់ចាម៖បងប្អូនអាជីវករ នៅផ្សារធំកំពង់ចាម មានសង្ឃឹមហើយ ដោយសារតែដំបូលសងខាងផ្សារធំ កំពង់ចាម គ្រោងនឹងជួសជុលកែលំអថ្មី ។
នេះបើតាម ឯកឧត្តមន អ៊ុន ចាន់ដា អភិបាល នៃគណៈអភិបាល ខេត្តកំពង់ចាម បញ្ជាក់ជូនក្នុងឱកាស ជួបជាមួយបងប្អូនអាជីវករ និងពិនិត្យលទ្ធភាព ផ្សារកំពង់ចាម ស្ថិតនៅក្រុងកំពង់ចាម នាព្រឹកថ្ងៃទី ០៣ ខែសីហា ឆ្នាំ២០១៩ នេះ ។
ជាមួយគ្នានោះដែរ ឯកឧត្តមអភិបាលខេត្ត ក៏បានជំរុញឲ្យក្រុមការងារជំនាញបច្ចេកទេស សិក្សាលម្អិតទៅលើតម្លៃ និងទំហំ នៃដំបូលផ្សារ ដែលគ្រោងជួសជុលឡើងវិញ ផងដែរ ។
សូមបញ្ជាក់ផងដែរថា ដំបូលសងខាងផ្សារធំ កំពង់ចាម មានទំហំប្រមាណជាង ៣ពាន់ ម៉ែត្រក្រឡា ហើយមានសភាពចាស់ទ្រុឌទ្រោម និងធ្លុះធ្លាយ ។ បងប្អូនអាជីវករ តែងលើកការត្អូញត្អែរថា ក្ដៅ និងជ្រាបទឹក ជាយូរមកហើយ ៕
