ភ្នំពេញ៖រថយន្ត Starex មួយគ្រឿងបើកបរដោយជនជាតិចិន ក្នុងល្បឿនលឿន បានរេចង្កូតបុករបាំងថ្មពុះចែកផ្លូវ ខ្ទាតចេញពីផ្លូវអស់ជាច្រេីនផ្ទាំង ហេីយអ្នកបេីកបរបានចុះមករេីសកាង ដែលជ្រុះជាប់ស្លាកលេខនោះយកមកទុកលេីរថយន្តហេីយ បម្រុងបេីកចេញពីកន្លែងកេីតហេតុ តែត្រូវបានប្រជាពលរដ្ឋនៅជិតនោះ រាយការណ៍ប្រាប់កម្លាំងសមត្ថកិច្ចចុះមកឃាត់បានទាំងអ្នកបេីកបរ និងរថយន្ត តែអ្នកបេីកបររថយន្តបានទូរស័ព្ទហៅគ្នីគ្នាបេីករថយន្តពីរគ្រឿង មកបម្រុងជម្លៀសចេញ តែត្រូវបានសមត្ថកិច្ច ហៅកម្លាំងមកជួយអន្តរាគមន៍ បង្កការភ្ញាក់ផ្អេីលពេញកន្លែងកេីតហេតុ។កាលពីវេលាម៉ោងជាង២ទាបភ្លឺ ឈានចូលថ្ងៃចន្ទ ទី០៥ ខែសីហា ឆ្នាំ២០១៩នេះ នៅចំណុចមុខវិទ្យាល័យ ព្រះយុគន្ធរ (ជិតស្តុបពេទ្យចិន) លេីផ្លូវព្រះមុនីវង្ស ស្ថិតក្នុងសង្កាត់បឹងកេងកងទី២ ខណ្ឌចំការមន រាជធានីភ្នំពេញ។
សមត្ថកិច្ចបានប្រាប់អោយដឹងថានៅមុនកើតហេតុ គេឃេីញបុរសជនជាតិចិនម្នាក់ បេីករថយន្ត Starex មួយគ្រឿង ពាក់ស្លាកលេខភ្នំពេញ 2AN-8832 ក្នុងល្បឿនលឿន ធ្វេីដំណេីរតាមផ្លូវព្រះមុនីវង្ស ទិសដៅពីជេីងទៅត្បូង លុះមកដល់ចំណុចកើតហេតុ ស្រាប់តែរេចង្កូតបុករបាំងថ្មពុះចែកផ្លូវ ខ្ទាតចេញពីផ្លូវអស់ជាច្រេីនផ្ទាំង ហេីយជនជាតិចិនដែលជាអ្នកបេីកបរបានចុះមករេីសកាង ដែលជាប់ស្លាកលេខរថយន្តនោះ យកមកទុកលេីរថយន្តហេីយ បម្រុងបេីកចេញពីកន្លែងកេីតហេតុ តែត្រូវបានប្រជាពលរដ្ឋនៅជិតនោះ រាយការណ៍ប្រាប់កម្លាំងសមត្ថកិច្ចចុះមកឃាត់បានទាំងអ្នកបេីកបរ និងរថយន្ត តែអ្នកបេីកបររថយន្តបានទូរស័ព្ទហៅគ្នីគ្នាបេីករថយន្តពីរគ្រឿង មកបម្រុងជម្លៀសចេញ តែត្រូវបានសមត្ថកិច្ច ហៅកម្លាំងមកជួយអន្តរាគមន៍ បង្កការភ្ញាក់ផ្អេីលពេញកន្លែងកេីតហេតុ។
បច្ចុប្បន្នក្រោយពេលកេីតហេតុ សមត្ថកិច្ចមូលដ្ឋានបានរាយការណ៍ប្រាប់សមត្ថកិច្ចជំនាញ ចុះមកស្ទូចយករថយន្តបង្ក រួមទាំងជនជាតិចិនដែលជាអ្នកបេីកបរ យកទៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ដេីម្បីរងចាំធ្វេីការដោះស្រាយ លេីការខូចខាតទ្រព្យសម្បត្តិរដ្ឋតាមផ្លូវច្បាប់៕
