ភ្នំពេញ ៖ គ្រោះថ្នាក់ចរាចរណ៍មួយបានកេីតឡេីងរវាង រថយន្តFord Ranger មួយគ្រឿង បេីកបុកជាមួយរថយន្ត Highlander មួយគ្រឿងទៀត ខ្ទេចវិលមួយជុំ បណ្ដាលឲ្យរថយន្តទាំងពីរគ្រឿង រងការខូចខាតយ៉ាងដំណំដូចគ្នា តែមិនបណ្ដាលឲ្យមានមនុស្សរងរបួសនោះទេ គ្រាន់តែម្ចាស់រថយន្តទាំងសងខាងដោះស្រាយគ្នាមិនត្រូវ ព្រោះតែប្រកែកគ្នាយកត្រូវរៀងខ្លួន ទេីបសមត្ថកិច្ចអូសយកទៅទុករងចាំដោះស្រាយពេលក្រោយ។
ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាពាក់កណ្ដាលអាធ្រាត្រ ឈានចូលថ្ងៃចន្ទ ទី០៥ ខែសីហា ឆ្នាំ២០១៩នេះ នៅផ្លូវបំបែកជាបួន ស្តុប២៤ម៉ោង លេីផ្លូវហាណូយ កែងផ្លូវឧកញ៉ាម៉ុងឬទ្ធី(ផ្លូវ១៩២៨) សង្កាត់គោកឃ្លាង ខណ្ឌសែនសុខ កាលពី ។
ប្រភពីកន្លែងកេីតហេតុបានអោយដឹងថា នៅមុនពេលកេីតហេតុ គេឃេីញរថយន្តមួយគ្រឿង ម៉ាក ហាយឡែនឌ័រ (Highlander) ពាក់ស្លាកលេខភ្នំពេញ 2AL-9046 បេីកបរតាមផ្លូវឧកញ៉ាម៉ុងឬទ្ធី(ផ្លូវ១៩២៨) ក្នុងល្បឿនលឿន រេចង្កូតចុះឡេីងៗពេញផ្លូវ ទំនងជាអ្នកបេីកបរស្រវឹងស្រា លុះមកដល់ចំណុចកេីតហេតុត្រង់(ស្តុប២៤ម៉ោង) ស្រាប់តែមានរថយន្តFord Ranger មួយគ្រឿង ពាក់ស្លាកលេខភ្នំពេញ 2AZ-8969 បេីកបរលក្ខណៈគ្រួសារ បានធ្វេីដំណេីរតាមផ្លូវហាណូយ ទិសដៅពីត្បូងទៅជេីង ក្នុងល្បឿនលឿនល្មម បានជ្រុលទៅបុករថយន្ត Highlander ចំពីចំហៀងខាងស្ដាំផ្នែកខាងក្រោយ បណ្ដាលឲ្យវិលមួយជុំ ក្បាលត្រលប់មកទិសខាងលិចវិញ រងការខូចខាតយ៉ាងដំណំដូចគ្នា តែមិនបណ្ដាលឲ្យមានមនុស្សរងរបួសនោះទេ គ្រាន់តែម្ចាស់រថយន្តទាំងសងខាង បានចុះដោះស្រាយគ្នាដែរ តែមិនត្រូវគ្នាទេ ព្រោះការចរចារដោះស្រាយគ្នានោះ ម្ខាងៗប្រកែកយកត្រូវរៀងខ្លួន ។
បច្ចុប្បន្នក្រោយពេលកេីតហេតុ ភាគីទាំងសងខាង បានប្រកែកគ្នារកត្រូវរៀងខ្លួន ដោះស្រាយគ្នាមិនចេញ ទេីបសមត្ថកិច្ចមូលដ្ឋាន និងផ្នែកវាស់វែងខណ្ឌសែនសុខ បាននាំអ្នកបេីកបររថយន្ត Highlander ទំនងជាស្រវឹងស្រា ទៅធ្វេីការផ្លុំជាតិអាកុល និងយករថយន្តទាំងពីរគ្រឿង យកទៅរក្សាទុកបណ្ដោះអាសន្ន នៅអធិការដ្ឋានខណ្ឌសែនសុខ ដេីម្បីរងចាំដោះស្រាយពេលក្រោយផងដែរ៕
