កោះកុង៖ សាកសព្វបុរសម្នាក់មិនស្គាល់អត្តសញ្ញាណ ពល រដ្ឋបានប្រទះឃើញអណ្តែតក្នុងទឹកស្រះនៅខាងក្រោយអធិការក្រុងខេមរ ភូមិន្ទ ផ្អើលដល់សមត្ថកិច្ចទាំងព្រលឹម កាលពីវេលាម៉ោង៩.៣០ នាទីព្រឹក ថ្ងៃទី០៦ ខែសីហា ឆ្នាំ២០១៩
ស្ថិតក្នុងសង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។
សមត្ថកិច្ចក្រុងខេមរ ភូមិន្ទ បានអោយដឹងថា បន្ទាប់ពីទទួលព័ត៌មានពីពលរដ្ឋថា បានប្រទះឃើញមានសាសពអណ្ដែតក្នុងទឹកស្រះ ស្ថិតក្នុងសង្កាត់ស្ទឹងវែង ក្រុងខេមរភូមិន្ទ កម្លាំងអធិការក្រុងបានសហការជាមួយ កម្លាំងការិយាល័យជំនាញខេត្ត និងមានការចូលរួមពីក្រុមគ្រូពេទ្យខេត្ត ចុះពិនិត្យ និងធ្វើកោសល្យវិច្ច័យសព ដោយបានបញ្ជាក់ថា សាកសពជាមនុស្សប្រុស ។
ប្រភពពីសមត្ថកិច្ចបានអោយដឹងទៀតថា សាកសពបុរសខាងលើ មិនទាន់ស្គាល់អត្តសញ្ញាណនោះទេ ព្រោះសាក សពមានសភាពហើមអណ្តែតទឹក ធំក្លិនស្អុយទៅហើយ ដែលមាន ភិនភាគពាក់អាវដៃវែង ពណ៌ប្រផេះ ស្លៀកខោប៉ារ៉ាជេីងវែង ។
ក្រោយពីក្រុមគ្រួពេទ្យ និងសមត្ថកិច្ចជំនាញពិនិត្យ និងធ្វើកោសល្យវិច្ច័យទៅលើសាកសព រួចក៏បានសន្និដ្ឋានថាសាកសពត្រូវបានគេសម្លាប់ ហើយយកមកទម្លាក់ចូលក្នុងទឹកស្រះនេះតែម្តង ដោយសាកសពមានស្នាមជាំត្រង់ក្បាលពោះ និងបាក់ស្អឹងករ រួចដាច់រលាត់ជាច្រើនកន្លែងទៀត។
បច្ចុប្បន្នសពជនរង គ្រោះខាងលើ សមត្ថកិច្ចបានយកមកតំកលរងចាំសាច់ញាតិនៅវត្តទេព្វនិមិត្ត(ហៅវត្តថ្មី) ៕ដោយ៖គន្ធី
