កំពង់ធំ៖លោកសាយ វាសនា ព្រះរាជអាជ្ញារងអមសាលាដំបូងខេត្តកំពង់ធំបានដឹកនាំកំលាំងកងរាជអាវុធហត្ថចុះឃាត់ខ្លួនជនសង្ស័យម្នាក់ឈ្មោះមោគ មឿន ហៅហេងនិមល រស់នៅភូមិវាំងខាងត្បូង ឃុំតាំងក្រសាំស្រុកសន្ទុក ខេត្តកំពង់ធំ នៅថ្ងៃទី៩ខែសីហាឆ្នាំ២០១៩វេលាម៉ោង៩និង៣០នាទីក្រោយការឃាត់ខ្លួនសមត្ថកិច្ចបានបញ្ជូនជនសង្ស័យទៅសួរនាំនៅទីបញ្ជារការដ្ឋានកងរាជអាវុធហត្ថខេត្តក្នុងការឃាត់ខ្លួនជនសង្ស័យនេះបានធ្វើឡើងទៅតាមពាក្យបណ្ដឹងរបសឈ្មោះ ឃុត សៀង ភេទប្រុសអាយុ៥៣ឆ្នាំ រស់នៅភូមិស្រម៉ ឃុំទីពោធិ៍ ស្រុកសន្ទុក ខេត្តកំពង់ធំ ដោយចោទពីបទប្រើលិខិតក្លែងនិងឆបោក ដែលបានប្រព្រឹត្តកាលពីថ្ងៃទី០៦ខែមិថុនាឆ្នាំ២០១៩ស្ថិតនៅចំណុចភូមិស្រែស្រម៉ ឃុំទីពោធិ ស្រុកសន្ទុក ទៅលើដីមានទំហំទទឹង៧.៥ហិចតានិងមានបណ្ដោយដី៧៥០០០ម៉ែត្រការ៉េហើយលក់ក្នុងតំលៃ១ហិចតា២២០០ដុល្លា បើតាមការសួរនាំរបស់កំលាំជំនាញអាវុធហត្ថអស់រយៈពេលជាច្រើនម៉ោងទើបជនសង្ស័យបានឆ្លើយសារភាពថាខ្លួនពិតជាបានប្រព្រឹត្តក្លែងឯកសារប្រាកដមែន។
បើតាមលោកផុន សុផល បានអោយដឹងបន្ថែមថាជនសង្ស័យបានប្រើមេដៃក្លែងបើតាមប្រជាពលរដ្ឋមាត់ចាបមាត់ព្រាបបានលើកឡើងថាពួកគាត់ចេះតែឆ្ងល់ថាហេតុអីបានបុគ្គល់ឈ្មោះមោគ មឿន ហៅនិមលមានលឿនម្លេះ។
ក្រោយសមត្ថកិច្ចចុះមកនាំខ្លួនទើបពួកគាត់ដឹងថាមុខរបរកសុីឆបោកនិងក្លែងឯកសារចឹងសោះបានមានលឿន ។
បើតាមប្រភពមួយទៀតបាននិយាយថាឈ្មោះមោគ មឿន ជាជនសង្ស័យមានបងធម៏ជាសមត្ថកិច្ចកាងនៅពីក្រោយខ្នងទើបបានហានរកសុីដោយមិនខ្លាចច្បាប់។
ក្រោយការសួរនាំចប់នៅថ្ងៃទី១០ខែសីហានៅទីបញ្ជារការកងរាជអាវុធហត្ថខេត្តរួចមកនិងបានបញ្ជូនខ្លួនបន្តទៅកាន់តុលាការខេត្តនិងបញ្ជូនបន្តទៅឃុំខ្លួនបណ្ដោះអាសន្ននៅពន្ធធនាគារខេត្តកំពង់ធំនៅថ្ងៃទី១០ខែសីហាឆ្នាំ២០១៩នេះ៕
