បាត់ដំបង ៖ បុរសម្នាក់ដោយសារ តែមានជំងឺប្រចាំកាយជាច្រើនឆ្នាំសុខចិត្តធ្វើអត្តឃាតបញ្ចប់ជីវិតដោយខ្លួនឯងលើដើមឈើ នៅថ្ងៃទី១២ ខែសីហា ឆ្នាំ២០១៩ វេលាម៉ោង៧និង២០ នាទីចំណុចក្រុម១០ ភូមិសាមគ្គី ឃុំបវេល ស្រុកបវេល ខេត្តបាត់ដំបង។
សមត្ថកិច្ចមូលដ្ឋានបានបញ្ជាក់អោយដឹងថាដោយផ្អែកទៅលើការធ្វើកោសល្យវិច្ច័យលើសាកសព ពេលពិនិត្យកន្លែងកើតហេតុ រួចធ្វើកោសល្យវិច្ច័យលើសាកសពនិងធ្វើការបំភ្លឺពី សាច់ញ្ញាតិជនរងគ្រោះរួចមក។
កម្លាំងជំនាញបានសន្និដ្ឋានថា ករណីនេះគឺជាករណីចងកសម្លាប់ខ្លួនពិតប្រាកដមែន ដោយយកខ្សែលីឡុង ពណ៍ខៀវ ចងនិងដើមអំពិលខាងក្រោយផ្ទះ។
សមត្ថកិច្ចបានអោយដឹងបន្ដទៀតថា នៅលើដងខ្លួនជនរងគ្រោះមិនមានស្លាកស្នាមអ្វីទេមានតែស្នាម នៅនិងកប៉ុណ្ណោះហេីយម្យ៉ាងទៀត
ជនរងគ្រោះមានជំងឺប្រចាំកាយ និង ផឹកស្រាជាប្រចាំផងនៅជុំវិញករណីខាងលើនេះដែរកម្លាំងជំនាញនគរបាលមូលដ្ឋានស្រុកបវេលបានបន្តថាសព ជនរងគ្រោះឈ្មោះ ឃឹម តុលា ភេទប្រុស អាយុ ៣៤ ឆ្នាំ រស់នៅភូមិទំនប់ទឹក ឃុំបវេល ស្រុកបវេល ខេត្តបាត់ដំបង។
បច្ចុប្បន្នក្រោយពេលសមត្ថកិច្ចជំនាញធ្វើការពិនិត្យសាកសពនិងធ្វើកំណត់ហេតុរួចក៏បានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
