ខេត្តសៀមរាប ៖ មន្ត្រីសាធារណការ ម្នាក់នៅការិយាល័យ សាធារណការ ដឹកជញ្ជូន ខេត្តសៀមរាប រងការរិះគន់យ៉ាងខ្លាំងៗ បន្ទាប់ពីរូបភាពមន្ត្រីសាធារណៈការ ត្រូវបានគេរិះគន់ថាទង្វើអសីលធម៌របស់មន្ត្រីមន្ទីរសាធារណការម្នាក់ ដែលយកជើងចង្អុលស្លាកលេខឡានពលរដ្ឋតាមរយៈរូបភាពប៉ុន្មានដែលគេបានចែកចាយ លើបណ្តាញសង្គមហ្វេសប៊ុក ព្រោងព្រាតនៅថ្ងៃទី១៦ ខែសីហា ឆ្នាំ២០១៩ នេះ បានបង្ហាញពីសកម្មភាពរបស់មន្ត្រី មន្ទីរសាធាណការជាស្ត្រីmមួយរូប ដែលប្រព្រឹត្តអាកប្បកិរិយាមិនសមរម្យ ដោយបានយកជើងចង្អុលស្លាកលេខរថយន្តរបស់ពលរដ្ឋ ដែលបានយកទៅឆៀក នៅការិយាល័យ សាធារណការ ដឹកជញ្ជូន ខេត្តសៀមរាប ។
មហាជនអ្នកប្រើប្រាស់បណ្តាសង្គមហ្វេសប៊ុក បានចែកចាយរូបភាពនេះតៗគ្នា និងបានរិះគន់យ៉ាងចាស់ដៃចំពោះមន្ត្រីរូបនេះ ដែលមិនសមជា មន្ដ្រីបំរើរាស្ដ្រទេ និងហាក់បីដូចមើល ងាយប្រជាពលរដ្ឋជាខ្លាំង អ្នកខ្លះទៀត រិះគន់ថា ប្រហែលរថយន្ដរបស់ប្រជាពលរដ្ឋមិនស្មើបាតជើងរបស់មន្ដ្រីរូបនោះទេដឹង ធ្វើជាមន្ដ្រីបំរើរាស្ដ្រត្រូវមានសីលធម៌ និងវិន័យថ្លៃថ្នូរ មិនមែនធ្វើជាមន្ដ្រីធន់នេះទេ។
បណ្តាញព័ត៌មាន មិនអាចសុំការបកស្រាយ ពី លោក គី វីរិន្ទ ! ប្រធានមន្ទីរសាធារណការ បានទេ ដោយមិនមានលេខទូរសព្ទ័ ម៉្យាងវិញទៀត លោកទើបតែចូលមកកាន់តំណែងដោយមិនទាន់បានអង្គុយលើកៅអីក្តៅគូថផងស្រាប់តែមានការរិះគន់ពីសំណាក់មន្ត្រីរបស់លោកទៅហើយដោយសារតែទង្វើអសីលធម៌ ។
យ៉ាងណានោះសង្ឈឹមនិងមានការស្នើឲ្យក្រសួងសាធារណការ និងដឹកជញ្ជូន និងមន្ទីរសាធារណការ ខេត្ដសៀមរាប ជួយពិនិត្យមើលនូវទង្វើខុសឆ្គងរបស់កូនចៅថ្នាក់ក្រោមផង ដែល
ប្រជាពលរដ្ឋមិនអាចទទួលយកបានទេនូវអត្ដចរិកបែបនេះ ហើយមិនសមជាមន្ដ្រីបំរើរាស្ដ្រនោះទេ៕
