ស្វាយរៀង៖ គរុសិស្សម្នាក់ត្រូវបានព្រះគ្រូចៅអធិការវត្តព្រៃឆ្លាក់ ប្រទះឃើញដេកស្លាប់នៅក្នុងវត្តសង្ស័យខ្យល់គរ កាលពីវេលាម៉ោង៦និង០០នាទីព្រឹក ថ្ងៃទី២១ខែសីហាឆ្នាំ២០១៩ស្ថិតនៅក្នុងសង្កាត់ព្រៃឆ្លាក់ ក្រុងស្វាយរៀង ហើយបានរាយការណ៍ទៅសមត្ថកិច្ចដើម្បីចុះពិនិត្យសាកសព។
យោងតាមសមត្ថកិច្ចនគរបាលក្រុងស្វាយរៀងបានឲ្យដឹងថាដោយមានសេចក្តីរាយការណ៍ពីព្រះគ្រូចៅអធិការវត្តព្រៃឆ្លាក់ប្រាប់ថាមានឈ្មោះ គង់ និវឌ្ឍ ភេទប្រុស អាយុ ២១ឆ្នាំ ជាគរុសិស្ស រៀននៅសាលាគរុកោសល្យ និងវិក្រឹតការខេត្តស្វាយរៀង មានទីលំនៅភូមិតាភរ ឃុំចន្ត្រី ស្រុករមាសហែក ខេត្តស្វាយរៀងមកស្នាក់នៅក្នុងវត្ត ព្រៃឆ្លាក់បានដេកស្លាប់នៅក្នុងវត្ត។
សមត្ថកិច្ចបានបន្តទៀតថាក្រោយពីទទួលបានព័ត៌មានភ្លាមតាមបទបញ្ជារបស់លោក ឧត្តមសេនីយ៍ត្រីស្នងការរងទទួផែនការងារនគរបាលព្រហ្មទណ្ឌកម្លាំងជំនាញ ការិយាល័យនគរបាលបច្ចេកទេស និង វិទ្យាសាស្ដ្រ ដឹកនាំដោយលោកវរៈសេនីយ៍ឯក មុំ សារ៉ុននាយការិយាល័យ សហការជាមួយ កម្លាំងជំនាញ អធិការនគរបាលក្រុងស្វាយរៀងនិង លោវេជ្ជបណ្ឌិ ថាច់ សុីសុវុឌ្ឍី គណៈកម្មការកោសល្យវិច្ច័យមន្ទីរសុខាភិបាលខេត្តស្វាយរៀង បានចុះទៅដល់កន្លែងកើតហេតុធ្វើការពិនិត្យកន្លែងកើតហេតុ និង ពិនិត្យសាសព ឃើញថា នៅលើរាងកាយសាកសាកសព ពុំមានស្លាកស្នាមរបួសអ្វី ដែលគួរឲ្យកត់សំគាល់ឡើយ តាមការសន្និដ្ឋានរបស់គណៈកម្មការពិនិត្យសាកសព មានជំនានគរបាលខេត្ត ក្រុងស្វាយរៀង និង លោកវេជ្ជ បណ្ឌិត ថាច់ សុីវសុវុឌ្ឍី ឈ្មោះ គង់ និវឌ្ឍស្លាប់ដោគាំងបេះដូង ( ខ្យល់គ )
បច្ចុប្បន្នសពបានប្រគល់ជូនគ្រួសារ នៃសពយកទៅធ្វើបុណ្យតាមប្រពៃណីនៅភូមិតា ភរ ឃុំ ចិន្ត្រី ស្រុករមាសហែក ៕
