ព្រះវិហារ៖ នៅយប់ម៉ោងប្រមាណ៧៖១៥នាទី ថ្ងៃទី២៥ ខែសីហា ឆ្នាំ២០១៩ រថយន្ដរ៉េនរ៉ូវឺមួយគ្រឿង បើកបរក្នុងល្បឿនលឿនបានទៅបុកនឹងសត្វប្រើសដើរឆ្លងថ្នល់ បណ្ដាលឲបាក់ជើង និងបែកប្រអប់មាត់ ត្រូវយកមកព្យាលបាល នៅដែនជំរកសត្វព្រៃបឹងពែរ។
ករណីេនេះកើតឡើងនៅសហគមន៍ជាំប្រិយ៍ចំណុចគីឡូម៉ែត្រលេខ៦១_៦២លើផ្លូវជាតិលេខ៦២ ក្នុងភូមិ រំចេក ឃុំ រមណីយ៍ ស្រុក រវៀង ខេត្ត ព្រះវិហារ។
តាមប្រភពនៅកន្លែងកើតហេតុបានឲដឹងថានៅពេលយប់មានខ្យល់និងភ្លៀងរលឹមផងនោះសត្វប្រើសចំណាស់មួយក្បាលបានដើរឆ្លងផ្លូវចំពេលរថយន្ដរ៉េនរ៉ូវឺបើកពីជើងទៅត្បូងក្នុងល្បឿនលឿនបានទៅបុកជាមួយនិងសត្វប្រើស១ក្បាលខាងលើនោះបណ្ដាលឲរងរបួសជាទំងន់។
ចំណែករថយន្ដបានបែកចង្គៀងមុខ ក្រោយពីកើតហេតុសមត្ថកិច្ចបានឲរថយន្ដបន្តដំណើរទៅមុខទៀត។ ចំណែកសត្វប្រើសបានយកមកព្យាបាលនៅដែនជំរកសត្វព្រៃបឹងពែរ
សូមបញ្ជាក់ផងដែលថាបច្ចុប្បន្នសត្វជាច្រើនក្បាលត្រូវរលាយហិនហោចដោយសារក្រុមអគតិបានរុករានដីព្រៃធ្វើជាកម្មសិទ្ធិបុគ្គលបានធ្វើឲបាត់បង់នៅជំរកសត្វព្រៃ។
មិនត្រឹមតែប៉ុណ្ណោះនោះទេក្រុមបាតសង្គមមួយក្ដាប់តូចបានដាក់អន្ទាក់ បរបាញ់សត្វ និងចាប់សត្វព្រៃយកមកលក់ទៀតផង ។
ដូចបច្ចុប្បន្ននៅក្នុងសហគមន៍រំចេក មានក្រុមខិលខូចមួយក្ដាប់តូចបានឆក់ត្រី លួចចូលបាញ់សត្វនៅក្នុងតំបន់ការពារក្នុងរម្យណីដ្ឋានបឹងជាំប្រិយ៍ដែលនៅសល់ស្ទើតែផុតពូជទៅហើយនោះ។ ចំណែកសត្វប្រើសខាងលើនោះបានរស់នៅក្នុងកន្លែងនេះផងដែល។
ប្រជាពលរដ្ឋក៏ដូចជាគណ:កម្មាធិកាសហគមន៍ បានសុំនុំពរដល់មន្ត្រីជំនាញក៏ដូចជាអាជ្ញាគ្រប់លំដាប់ថ្នាក់សូមឲចុះត្រួតពិនិត្យតាមផ្ទះនៅការលាក់ទុកកំភ្លើងកែច្នៃ មានទាំង កំាភ្លើងស្នប់និងកាបីន សម្រាប់បរបាញ់សត្វព្រៃ ហើយក៏អាចបង្កគ្រោះថ្នាក់ណាមួយបានដែល។
ហើយពួកគាត់បានបន្តទៀតថា សមត្ថកិច្ចក្នុងមូលដ្ឋានបានចុះស្រាវជ្រាវនិងធ្វើកំណត់ហេតុរួចម្ដងមកហើយតែមិនមានការដកហូតនោះឡើយ៕
