ព្រះសីហនុ៖ មានគ្រោះថ្នាក់ចរាចរណ៍មួយកើតឡើង រវាងរថយន្តមួយគ្រឿងម៉ាក ព្រូសពណ៌ទឹកប្រាក់ បុកជាមួយនិងរថយន្តហុីណូដែរចតទុកចោលនៅលេីថ្នល់ជាតិបណ្តាលអោយមានអ្នករងរបួស៥នាក់ កាលពីវេលាម៉ោងជិត៥ព្រឹក ថ្ងៃទី២៦ ខែសីហា ឆ្នាំ២០១៩ លេីផ្លូវជាតិលេខ ៤ ចន្លោះគីឡូម៉ែត្រលេខ ១២២-១២៣ ក្នុងភូមិក្រាំងអាត់ ឃុំកំពង់សិលា ស្រុកកំពង់សីលា ខេត្តព្រះសីហនុ ។
តាមរបាយការណ៍សមត្ថកិច្ចបានប្រាប់អោយដឹថាមុនពេលកេីតហេតុគេឃេីញមានរថយន្តមួយគ្រឿងពាក់ស្លាកលេខ ភ្នំពេញ 2R-7795 មានទិសដៅពីភ្នំពេញទៅខេត្តព្រះសីហនុមកដល់ចំណុចខាងលើបានបុកពីក្រោយរថយន្តមួយគ្រឿងម៉ាកហុីណូ ពណ៌ស ពាក់ស្លាកលេខ ភ្នំពេញ 3E-0810 ដែលឈប់ចតនៅលើថ្នល់ជាតិក្នុងទិសដៅស្របគ្នា ។
អ្នកជិះក្នុងរថយន្តព្រូសរងរបួសធ្ងន់ស្រាលចំនួន ០៥នាក់
១.ឈ្មោះ រាជ សុភាលី ភេទប្រុស អាយុ ៤៨ឆ្នាំ អ្នកបេីកបររងរបួសស្រាល មានមុខរបរ គ្រូបង្រៀន។
២. ឈ្មោះ ចេង សុភាព ភេទស្រី អាយុ ៤១ឆ្នាំ រងរបួសធ្ងន់ ត្រូវជាប្រពន្ធអ្នកបើកបរ មានមុខរបរគ្រូបង្រៀន ។
៣. ឈ្មោះ រាជ សុភាលីយី ភេទស្រី អាយុ ១៣ឆ្នាំ រងរបួសស្រាល។
៤.ឈ្មោះ រាជ សុភាលីយៀក ភេទស្រី អាយុ ៨ឆ្នាំ រងរបួសធ្ងន់ ។
៥. ឈ្មោះ រាជ សុភាលីឈុន ភេទស្រី អាយុ ៤ឆ្នាំ រងរបួសស្រាល ។
ជនរងគ្រោះទាំង៥នាក់ខាងលេីមានទីលំនៅ ភូមិ ១ ឃុំកំពេញ ស្រុកស្ទឹងហាវ ខេត្តព្រះសីហនុ ។
ក្រោយកើតហេតុអ្នកបេីកបររថយន្ត ហុីណូ រត់គេចខ្លួន ចំណែក ជនរងគ្រោះបានបញ្ជូនទៅមន្ទីរពេទ្យបង្អែកស្រុកស្រែអំបិល រីឯវត្ថុតាងទាំងពីរខាងលេីយកទៅរក្សារទុកនៅអធិការរដ្ឋាននគរបាលស្រុកកំពង់សីលាដេីម្បីបន្តតាមនិតិវិធី ៕
