បាត់ដំបង៖គណៈកម្មាធិការប្រយុទ្ធប្រឆាំងផលិតផលក្លែងក្លាយដោយមានបញ្ជាពីឯកឧត្តមនាយឧត្តមសេនីយ៍មៀច សុផាន់ណារដ្ឋលេខាធិការក្រសួងមហាផ្ទៃនិងជាប្រធាន(គបផក) ។
នៅព្រឹកថ្ងៃពុធទី ១១ ខែកញ្ញាឆ្នាំ២០១៩នេះ លោកឧត្តមសេនីយ៍ទោ ទូច យុទ្ធា ប្រធានក្រុមប្រតិបត្តិការពិសេសនៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គមហៅកាត់ (គបផក ) បានដឹកនាំកម្លាំងសហការជាមួយមន្ត្រីជំនាញនិងអាជ្ញាធរមូលដ្ឋាន ដោយមានការសំរបសំរួលនីតិវិធីពីព្រះរាជ្ញារងនៃអយ្យការអមសាលាដំបូងខេត្តបាត់ដំបងលោកគី ប៊ុណ្ណារ៉ា ចុះបង្ក្រាបផលិតផលគ្រឿងសម្អាង ( ឡេលាយ ) ក្លែងក្លាយ មួយកន្លែងនៅទីតាំងផលិត ដែលគ្មានច្បាប់អនុញ្ញាតិ ព្រមទាំងចែកចាយផលិតគ្រឿងសម្អាងក្លែងក្លាយនិងខុសច្បាប់ឈ្មោះ ឡា មីតា សប ក្នុងភូមិព្រែកមហាទេពសង្កាត់ស្វាយប៉ោក្រុងបាត់ដំបងខេត្តបាត់ដំបង
ក្នុងនេះដែរម្ចាស់តាំងមានឈ្មោះ ម៉ាង ដេត ភេទប្រុស អាយុ២៧ឆ្នាំជនជាតិខ្មែរ ។ដោយបានរកឃេីញសារធាតុផ្សំក្លែងក្លាយជាច្រេីនមុខ និងផលិតផលដែលវេចខ្ចប់រួចនាំចូលខុសច្បាប់ប្រហែលជាង១តោន ។
ក្រោយការរកឃេីញនេះព្រះរាជ្ញារងលោកគី ប៊ុណ្ណារ៉ាបានអោយមន្ត្រីនគរបាលយុត្តិធម៌ (គបផក )អញ្ជេីញម្ចាស់ទីតាំងទៅសាកសួរបំភ្លឺនៅការិយាល័យនគរបាលប្រឆាំងបទល្មេីសសេដ្ឋកិច្ចនៃស្នងការដ្ឋាននគរបាលខេត្តបាត់ដងបងដេីម្បីអនុវត្តនីតិវិធីបន្ត ។
