ក្រុងប៉ោយប៉ែត៖ពិធីសំណេះសំណាលជាមួយអាជ្ញាធរមូលដ្ឋានសង្កាត់ប៉ោយប៉ែតក្រោមអធិបតីភាពលោកគាតហ៊ុលអភិបាលនៃគណៈអភិបាលក្រុងប៉ោយប៉ែត។
នៅរសៀលថ្ងៃព្រហស្បតិ៍១២កើតខែផល្គុនឆ្នាំកុរឯកស័កព.ស២៥៦៣ត្រូវនឹងថ្ងៃទី០៥ខែមីនាឆ្នាំ២០២០នេះលោកគាតហ៊ុលអភិបាលនៃគណៈអភិបាលក្រុងប៉ោយប៉ែតអមដំណើរដោយអភិបាលរងប្រធានការិយាល័យនិងក្រុមការងារមន្ត្រីរដ្ឋបាលក្រុងជុំវិញក្រុងអញ្ជើញបើកកិច្ចប្រជុំជំនួបសំណេះសំណាល
ជាមួយប្រជាចៅសង្កាត់ចៅសង្កាត់រងសមាជិកក្រុមប្រឹក្សាសង្កាត់ក្រុមការងារសង្កាត់ប៉ោយប៉ែតមេភូមិទាំង១៣ភូមិនាយប៉ុស្តិ៍នគរបាលរដ្ឋាភិបាលសង្កាត់លោកប្រធានមណ្ឌលសុខភាពក្នុងសង្កាត់ប៉ោយប៉ែត។
នាឱកាសនោះផងដែរមុនចាប់ផ្ដើមកម្មពិធីជួបសំណេះសំណាលលោកគាតហ៊ុលអភិបាលនៃគណៈអភិបាលក្រុងប៉ោយប៉ែតបានពាំនាំការសួរសុខទុក្ខរបស់ឯកឧត្តមនាយឧត្តមសេនីយ៍ឧបនាយករដ្ឋមន្ត្រីកែគឹមយ៉ានប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងលោកជំទាវឧកញ៉ាម៉ៅម៉ាល័យកែគឹមយ៉ាន។
លោកគាតហ៊ុលអភិបាលនៃគណៈអភិបាលក្រុងប៉ោយប៉ែតបានមានប្រសាសន៍ថាកិច្ចប្រជុំនេះធ្វើដើម្បីបង្កើន ភាពស្និទស្នាល និងជាការជំនួយស្មារតីដល់មន្រ្តីក្រោមឱវាទសូមឱ្យមានសាមគ្គីភាពនិងរកអោយឃើញនូវចំណុចខ្លាំងចំណុចខ្សោយដើម្បីរួមគិតរួមដោះស្រាយរួមធ្វើរួមរក្សាការពាររួមគ្នាបម្រើប្រជាជនដើម្បីអភិវឌ្ឍន៍ក្រុងប៉ោយប៉ែតប្រកបដោយភាពជោគជ័យ។(ដោយលោក ចាន់ ពុធ សារព័ត៌មានBPN News)
