ក្រុងប៉ោយប៉ែត ៖ ខណៈ អាជ្ញាធរក្រុង កំពង់មមាញឹក បើកយុទ្ធនាការ ប្រយុទ្ធ ប្រឆាំង ទប់ស្កាត់ ការរីករាលដាលនៃជំងឺឆ្លង កូវីដ ១៩ និងការងារមនុស្សធម៌ ។
នៅព្រឹកថ្ងៃព្រហស្បតិ៍ ១០ កើត ខែចេត្រ ឆ្នាំកុរឯកស័ក ពុទ្ធសករាជ ២៥៦៣ត្រូវនឹងថ្ងៃទី២ ខែមេសា ឆ្នាំ២០២០ នេះ ឧបាសិការ តាន់ អ៊ូសឿម ម្ដាយបង្កើតរបស់ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ព្រមទាំងកូនចៅ និង លោក វ៉ាន់ ប៊ុនធី បានឧបត្ថម្ភ អំណោយ អង្ករចំនួន ២០០០គីឡូក្រាម ( ២តោន ) ដល់រដ្ឋបាលក្រុងប៉ោយប៉ែត ដើម្បីយកទៅចាត់ចែង តាមការគួរ សម្រាប់ការងារមនុស្សធម៌ ដល់បងប្អូនប្រជាពលរដ្ឋ ដែលមានជីវភាពខ្វះខាត ស្របពេល ជំងឺឆ្លង កូវីដ ១៩ ធ្វើឱ្យសេដ្ឋកិច្ចក្នុងសង្គម ធ្លាក់ចុះ ។
សូមរំលឹកថា ចំពោះ ឧបាសិការ តាន់ អ៊ូសឿម ម្ដាយបង្កើតរបស់ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត និង លោក វ៉ាន់ ប៊ុនធី ព្រមទាំងកូនចៅ រៀងរាល់ឆ្នាំ បានរៀបចំពិធី ចែក អំណោយ រួមមាន អង្ករ ថវិការនិងគ្រឿងឧបភោគបរិភោគ មួយចំនួន ដល់ប្រជាពលរដ្ឋក្រីក្រដែលមានជីវភាពខ្វះខាត ក្នុង១ឆ្នាំម្ដង ផងដែរ ។ ដោយ លោកចាន់ពុធ
