បាត់ដំបង ៖ ឯកឧត្តម ឧត្តមសេនីយ៍ទោ អ៊ុច សុខុន ផ្តល់អំណោយជូនដល់គ្រួសារប្រជាពលរដ្ឋរងគ្រោះដោយសារឥទ្ធិពលខ្យល់កន្រ្តាក់នៅឃុំរបស់ម្គល ស្រុកមោងឫស្សី
ខេត្តបាត់ដំបងនៅព្រឹកថ្ងៃច័ន្ទត្រូវនឹងថ្ងៃទី ២០ ខែ មេសា ឆ្នាំ ២០២០ នេះ ដោយមើលឃើញនូវការលំបាករបស់ប្រជាពលរដ្ឋក្នុងឃុំរបស់មង្គល ស្រុកមោងឫស្សី ខេត្តបាត់ដំបង ,,
ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងជាប្រធានក្រុមការងារថ្នាក់ជាតិ ចុះមូលដ្ឋានឃុំរបស់មង្គល ស្រុកមោងឫស្សី ខេត្តបាត់ដំបង បានចាត់តាំងលោកឧត្តមសេនីយ៍ត្រី សៅ សាម៉ុន ស្នងការរងនិងជាអនុប្រធានក្រុមការងារថ្នាក់ជាតិចុះមូលដ្ឋានឃុំរបស់មង្គល រួមទាំងលោក លោកស្រី ជាអនុប្រធាន និងជាសមាជិកក្រុមការងារឃុំរបស់មង្គល និងភូមិនៅក្នុងឃុំ នាំ
យកអំណោយរបស់ឯកឧត្តមទៅចែកជូនដល់ប្រជា ពលរដ្ឋនៅក្នុងឃុំរបស់មង្គលដែលទទួលរងគ្រោះដោយសារឥទ្ធិពលខ្យល់កន្រ្តាក់កើតមាននាពេលកន្លងទៅចំនួន១៣គ្រួសារ។
ថវិកានិងសម្ភារៈដែលបានប្រគល់ជូនក្រុមគ្រួសារប្រជាពលរដ្ឋរងគ្រោះនាពេលនេះមួយគ្រួសារៗទទួលបានរួមមាន៖
១-ថវិកាចំនួន ៣០,០០០រៀលសាមសិបពាន់រៀល).,,,
២-អង្កចំនួន ២៥គីឡូក្រាម
៣-ភេសជ្ជៈចំនួន ០១កេស
៤-មីចំនួន០១កេស
៥-ត្រីខ ០១យួរ
៦-ទឹកស៊ីអ៊ីវចំនួន ០១យួរ
៧-ទឹកត្រីចំនួន ០១យួរ
ជាមួយនឹងការចែកជូននូវអំណោយដូចខាងលើជូនប្រជាពលរដ្ឋរងគ្រោះ ឯកឧត្តមស្នងការបានផ្តល់ជូនដល់រដ្ឋបាល ឃុំរបស់មង្គលនូវអាល់កុលពេទ្យចំនួន២៥លីត្រជារបស់ឯឧត្តម និងម៉ាស់ចំនួន ១,០០០បន្ទះ សាប៊ូអនាម័យចំនួន៧០ដុំជាអំណោយរបស់ឯកឧត្តម ទេសរដ្ឋមន្រ្តី អង្គ វង្សវឌ្ឍានា ប្រធានក្រុមការងារថ្នាក់ជាតិចុះមូលដ្ឋានស្រុកមោងឫស្សី ខេត្តបាត់ដំបងដើម្បីបានប្រើប្រាស់រួមក្នុងការបង្ការ ការពារករណីឆ្លងជម្ងឺCovid-19ផងដែរ៕
