កំពត៖ កម្លាំងសមត្ថកិច្ចជំនាញ បានបើកប្រតិបត្តិការបង្ក្រាប ករណីជួញដូរ និងរក្សាទុកគ្រឿងញៀនខុសច្បាប់ ឃាត់ខ្លួនជនសង្ស័យបាន២នាក់ និងដកហូតថ្នាំញៀនចំនួន ៤៩ កញ្ចប់ (ធំចំនួន ២១ កញ្ចប់) កាលពីវេលាម៉ោង៤៖៤០នាទី ថ្ងៃព្រហស្បតិ៍ ២រោច ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី ២៣ ខែមេសា ឆ្នាំ ២០២០ នៅភូមិក្រាំង សង្កាត់ក្រាំងអំពិល ក្រុងកំពត ។
ជនសង្ស័យទី១ឈ្មោះ ឈុន ចិត្រា ភេទប្រុស អាយុ ៣០ ឆ្នាំ ទីលំនៅភូមិក្រាំង សង្កាត់ក្រាំងអំពិល ក្រុងកំពត ។ និងទី២ឈ្មោះ ណុះ យូសុះ ភេទប្រុស អាយុ ១៧ ឆ្នាំ នៅភូមិ៤ ឃុំដងទង់ ស្រុកស្មាច់មានជ័យ ខេត្តកោះកុង ។
បច្ចុប្បន្ន សមត្ថកិច្ចបានកសាងសំណុំរឿង ដើម្បីអនុវត្តតាមនីតិវិធីច្បាប់ ៕ 
