ស្វាយរៀង៖ឯកឧត្តមសោម សុធាប្រធានការងាររាជរដ្ឋាភិបាលចុះមូលដ្ឋានសង្កាត់បាទី ក្រុងបាវិតបានថ្លែងអំពាវនាវដល់ប្រជាពលរដ្ឋឲ្យរួមគ្នាប្រយុទ្ធប្រឆាំងជំងឺកូវីដ១៩ដែលកំពុងរាតត្បាតពាសពេញពិភពលោកក៏ដូចជារាលដាលដល់ប្រទេសកម្ពុជាត្រូវឧស្សហ៍លាងដៃនឹងសាប៊ូឲ្យបានញឹកញាប់លើសពីនោះទៀត ពេលប្រាស្រ័យទំនាក់ទំនង ត្រូវពាក់ម៉ាស ឬក្រម៉ា បើគ្មានករណីចាំចាច់ គួរកុំជួបជុំប្រមូលផ្តុំគ្នាច្រើន ពេលសង្ស័យមានជំងឺអ្វីគួររួសរាន់ទៅប្រឹក្សាជាមួយគ្រូពេទ្យដែលនៅជិត ធ្វើអនាម័យភូមិដ្ឋាន បញ្ជៀសទៅកន្លែងចិញ្ចឹមសត្វជាដើម។
ការថ្លែងបែបនេះខណះដែលឯកឧត្តមប្រធានក្រុមការងារអញ្ជើញចូលរួមចែកអំណោយដល់ពលរដ្ឋក្រីក្រចំនួន២១គ្រួសារដែលជួបការខ្វះខាតនៅព្រឹកថ្ងៃទី២៥ខែមេសាឆ្នាំ២០២០។ដែលពិធីនេះមានការចូលរួមពីលោកលឹម សៀងហេង អភិបាលក្រុងបាវិតនិងក្រុមប្រឹក្សាសង្កាត់ មេភូមិ យុវជនសសយកក្រុងបាវិតជាច្រើនរូបផងដែរ។
ឯកឧត្តមសោម សុធាបានថ្លែងនូវការផ្តាំផ្ញើរសាកសួរសុខពីលោកនាយឧត្តមសេនីយ៍មុឹង សំផនប្រធានក្រុមការងាររាជរដ្ឋាភិបាលចុះជួយក្រុងបាវិតនិងស្រុកចន្ទ្រាជូនដល់ប្រជាពលរដ្ឋនៅមូលដ្ឋានសង្កាត់បាទីផងដែរ។
ឯកឧត្តមបានបន្ថែមទៀតថាបងប្អូនប្រជាពលរដ្ឋត្រូវពិសារម្ហូបអាហារដែលចំអិនឲ្យឆ្អិន ចៀសវាងហូបបន្លែឆៅគួរបន្ថយការសេពគ្រឿងស្រវឹង ហើយកុំធ្វើដំណើរ ទៅទីប្រជុំនជន នៅគម្លាតពីគ្នាឲ្យបាន២មែត្រ។ហើយយកចិត្តទុកដាក់គិតគូរជានិច្ចពីសុខភាព និងសុវត្ថិភាពផ្ទាល់ខ្លួន តាមរយៈការលើកកម្ពស់ចំណេះដឹង និងចូលរួមជាមួយអាជ្ញាធរផ្សព្វផ្សាយឱ្យបានទូលំទូលាយ ស្តីពីវិធានការការពារ និងរក្សា អនាម័យប្រចាំ។
ឯកឧត្តមក៏បានជម្រុញឲ្យប្រជាពលរដ្ឋពង្រីកការដាំដុះ បន្លែបង្ការចិញ្ចឹម សត្វ ដើម្បីផ្គត់ផ្គង់ជីវភាពប្រចាំថ្ងៃនិងទីផ្សារក្នុងស្រុក ដែលកំពុងត្រូវការ ខណៈការនាំចូលត្រូវបានកាត់បន្ថយ ដើម្បីបំពេញតម្រូវការក្នុងស្រុក ដែលជាកាលានុវត្តន៍ភាពសម្រាប់វិស័យកសិកម្ម និង ត្រូវថែរក្សាអនាម័យគ្រប់ៗក្រុមគ្រួសារ និងគោរពតាមការណែនាំរបស់ក្រសួងសុខាភិបាល សារាចរណ៍ណែនាំរបស់ក្រសួងមហាផ្ទៃ និងរបស់រាជរដ្ឋាភិបាល និងត្រៀមឧបករណ៍ឲ្យបានគ្រប់គ្រាន់ក្នុងការបង្កបង្កើនផលស្រូវរដូវវស្សាដែលនិងខិតចូលមកដល់នាពេលខាងមុខនេះផងដែរ។អំណោយដែលនាំទៅចែកជូនផ្ទាល់ដល់គ្រួសារប្រជាពលរដ្ឋ ក្រីក្រ នៅតាមខ្នងផ្ទះ ចំនួន២១គ្រួសារ ក្នុងមួយគ្រួសារទទួលបាន អង្ករ៣០គីឡូ,ត្រីខ ១០កំប៉ុង,សាប៊ូលុច៤ដុំ,សាប៊ូម្សៅ៣ kg ប៊ីចេង១kg,ទឹកត្រី២ដប,ក្រមា១,និងថវិកា៥០០០០៛៕
