បន្ទាយមានជ័យ-ក្រុងប៉ោយប៉ែត៖ក្រោយពីបណ្តាញព័ត៌មានក្នុងស្រុកបានធ្វើការផ្សព្វផ្សាយនឹងមានសេចក្ដីរាយការណ៍ពីប្រជាពលរដ្ឋ រឿងសង្វៀនជល់មាន់ ដែលបង្កប់ល្បែងស៊ីសងរួចមក សមត្ថកិច្ចក្រុងប៉ោយប៉ែត បានដឹកនាំកម្លាំងធ្វើការបង្ក្រាបភ្លាម។
ក្នុងកិច្ចប្រតិបត្តិការណ៍នេះធ្វើឡើង នរសៀលថ្ងៃទី២៧ ខែមេសា ឆ្នាំ២០២០ វេលាម៉ោង១៤នង៣០នាទី ក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើតាមសមត្ថកិច្ចមូលដ្ឋានបានប្រាប់ឲ្យដឹងថា៖ ដោយយោងតាមបញ្ជារបស់លោកវរសេនីយ៍ឯក ធិន ស៊ិនសេត អធិការនគរបាលក្រុងប៉ោយប៉ែត បានអោយកំលាំងប៉ុស្តិ៍រដ្ឋបាលផ្សារកណ្តាល ចុះបង្រ្កាបទីកន្លែងជល់មាន់ និង អា ប៉ោង១កន្លែង នៅចំណុចដីចំការមួយកន្លែង ដែលមានរបងថ្មព័ទ្ធជុំវិញ ។
សមត្ថកិច្ចបានបន្តថា៖ នៅពេលដែលកំលាំងចុះប្រតិបត្តិការ ភ្លាមៗនោះ ត្រូវបានអ្នកលែងទាំងនោះ ដឹងខ្លួនទាន់ រត់គេចខ្លួនអស់ ព្រោះទីកន្លែងនោះ មានអ្នកយាមចាំមើលផ្លូវ បន្សល់ទុកនូវ មាន់២ក្បាល និងចាន កំរ៉ាលអាប៉ោងប៉ុណ្ណោះ ។
ហើយកំលាំងសមត្ថកិច្ចបានធ្វើការបំផ្លាញសៃវៀនជល់មាន់ចោលនៅទីនោះ៕
