ខេត្តស្វាយរៀង៖ នៅព្រឹកថ្ងៃច័ន្ទ ៦កើត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០នេះ ឯកឧត្តម ជុំ ហាត ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាលខេត្ត បានអញ្ជើញជាអធិបតីក្នុងពិធីចែកសម្ភារ និងគ្រឿងឧបភោគបរិភោគដល់រដ្ឋបាល ក្រុង-ស្រុកទាំង៨ និងអង្គភាពកងកម្លាំងទាំងបី សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងនឹងជំងឺកូវីដ១៩ នៅក្នុងបរិវេណសាលាខេត្ត ។
សម្ភារ និងគ្រឿងឧបភោគបរិភោគដែលផ្ដល់ជូននាពេលនោះ ក្នុងមួយអង្គភាពទទួលបាន ម៉ាស់ ២.០០០ អង្ករ ៣០០គ.ក្រ អាល់កុល ២០លីត្រ ជែលលាងដៃ ២០ដប និងឧបករណ៍វាស់កំដៅចំនួន២គ្រឿង ដោយឡែកស្នងការដ្ឋាននគរបាលខេត្ត ទទួលបាន ម៉ាស់ ៥០០០ អង្ករ ៥០០គ.ក្រ, អាល់កុល ៦០លីត្រ ជែល២០ដប និងឧបករណ៍វាស់កំដៅ ៥គ្រឿង ៕
