កែប៖រសៀលថ្ងៃចន្ទ ៦កើត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០លោក សោម ពិសិដ្ឋ អភិបាលរងខេត្តកែប ឯកឧត្តម ជន សុផល, ឯកឧត្តម ណុប វីរៈ សមាជិកក្រុមប្រឹក្សាខេត្ត បានដឹកនាំក្រុមយុវជនគ្រប់ប្រភេទក្នុងខេត្ត ចុះជួបសំណេះសំណាលសួរសុខទុក្ខប្រជាពលរដ្ឋរងគ្រោះដោយសារខ្យល់កន្រ្តាក់ នៅភូមិអំពេង និងភូមិអង្កោល ស្រុកដំណាក់ចង្អើរ ចំនួន ០៩គ្រួសារ។
ក្នុងនោះ សម្ភារ: និងថវិកា ដែលផ្តល់ជូនរួមមាន៖ អង្ករ ២០គីឡូក្រាម មី ០៥កញ្ចប់ ត្រីខ០៥ឡូ ទឹកស៊ីអ៊ីវ ០២យួរ ទឹកត្រី ០២យួរ សាប៊ូProtex ០២ដុំ ម៉ាស់ក្រម៉ា ក្នុងនោះថវិកា៥០.០០០រៀល សម្រាប់គ្រួសាររងគ្រោះធ្ងន់ធ្ងរចំនួន៣គ្រួសារ បន្ថែមពីសម្ភារខាងលើនេះ លោកអភិបាលរងខេត្ដ ក៏បានឧបត្ថម្ភថវិកាចំនួន ១០០.០០០រៀល ដល់ក្រុមយុវជនសយសស ផងដែរ។
ក្នុងសកម្មភាពមនុស្សធម៌ខាងលេីនេះដែរ លោក អភិបាលរងខេត្ត ក៏បានធ្វើការណែនាំ អប់រំផ្សព្វផ្សាយ អំពី អនាម័យ លាងសម្អាតដៃដោយសាប៊ូ ,ទឹកអាល់កុល ដើម្បីប្រឆាំង ការឆ្លងជំងឺកូវីដ-១៩ តាមការណែនាំរបស់ក្រសួងសុខាភិបាល និងរាជរដ្ឋាភិបាលកម្ពុជា៕
