ខេត្តបាត់ដំបង ៖ កាលពីថ្ងៃទី៣០ ខែមេសា ឆ្នាំ២០២០ វេលាម៉ោង ១៦និង៣៥នាទី កម្លាំងអធិការដ្ឋាននគរបាលស្រុកសំពៅលូន បានបង្ក្រាបករណីរក្សាទុក និងប្រេីប្រាស់គ្រឿងញៀន មួយករណី ឃាត់ខ្លួនជនសង្ស័យ ចំនួន ០៣នាក់ នៅចំណុចភូមិពោធិ៍ជ្រៃ ឃុំសិរីមានជ័យ ស្រុកសំពៅលូន។
ប្រភពពីសមត្ថកិច្ច បានឲ្យដឹងដា ជនសង្ស័យទាំង ០៣នាក់ មាន ៖
១. ឈ្មោះ គង់ វុទ្ធី (ធី) ភេទប្រុស អាយុ៣៦ឆ្នាំ មានទីលំនៅភូមិប្រឡាយប្រាក់ ឃុំអង្គរបាន ស្រុកសំពៅលូន។
២. ឈ្មោះ ប៊ុន ម៉ាលីស ភេទប្រុស អាយុ៣០ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន។
៣. ឈ្មោះ ង៉ូវ សា ភេទប្រុស អាយុ២៦ឆ្នាំ មានទីលំនៅភូមិពោជ្រៃ ឃុំសិរីមានជ័យ ស្រុកសំពៅលូន។
ករណីនេះ សមត្ថកិច្ច បានដកហូតវត្ថុតាង រួមមាន ៖
-ថ្នាំញៀន (ម៉ាទឹកកក) ចំនួន ០៥កញ្ចប់
-ថ្នាំញៀនយ៉ាម៉ា ចំនួន ៣៧៨គ្រាប់
-ជញ្ជីងសម្រាប់ថ្លឹងថ្នាំញៀនលក់ ចំនួន ០២គ្រឿង
-ម៉ូតូ ចំនួន ០១គ្រឿង
-ប្រាក់រៀល ចំនួន ០១លានរៀល
-ប្រាក់បាត ចំនួន ៥០០០បាត។
បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងសមត្ថកិច្ចជំនាញ កសាងសំណុំរឿង បញ្ជូនទៅសាលាដំបូងខេត្ត ចាត់ការតាមនីតិវិធីច្បាប់ ៕
