ប៉ោយប៉ែត ៖ កាលពីថ្ងៃសុក្រ១០ កើត ខែពិសាខ ឆ្នាំជូតទោស័ក ពុទ្ធសករាជ ២៥៦៣ត្រូវនឹងថ្ងៃទី១ ខែឧសភា ឆ្នាំ២០២០ នេះ អាជ្ញាធរសង្កាត់ប៉ោយប៉ែតបន្តចែកអំណោយមនុស្សជូនដល់ប្រជាពលរដ្ឋក្រីក្រចំនួន ១០០គ្រួសារ ក្រោមអធិបតីភាព លោក គាត ហ៊ុល អភិបាលក្រុងប៉ោយប៉ែត លោក ភោគ លន ចៅសង្កាត់ប៉ោយប៉ែត លោក វ៉ា ជឹមណារ៉េត ចៅសង្កាត់រងទី១នៃសង្កាត់ប៉ោយប៉ែត និងមានការអញ្ជើញចូលរួមពី មេភូមិ អនុភូមិ ប្រជាការពារ អាជីវករម្ចាស់អំណោយមួយចំនួន។
សូមបញ្ជាក់ផងដែរថា អំណោយ មនុស្សធម៌សាមគ្គី នេះ គឺបានការចូលរួមឧបត្ថម្ភពីអាជ្ញាធរក្រុង សង្កាត់ និង អាជីវករ មួយចំនួនផងដែរ ។
អំណោយមនុស្សធម៌របស់អ្នកស្រី ឯក សុឃីម និងស្វាមី ព្រមទាំងបុត្រ និងក្រុមគ្រួសារតាមរយៈ លោក គី សារុន មេភូមិបាលិលេយ្យ១ និងភរិយា មាន ៖
១ . នំប៉័ង ២០០ដើម
២ . អង្ករចំនួន ១,០០០គីឡូក្រាម (មួយតោន)
៣ . ម៉ាស៊ីនវាស់កម្តៅ ចំនួន៥
៤ . ហ្សែលអាល់កុល ចំនួន ២០ដប
៥ . អាល់កុល ចំនួន ១០
៦. ទឹកពិសាដប ចំនួន ៣០យួរ
៧ . ម៉ាស ចំនួន ១០ប្រអប់
៨ . ថវិកា ចំនួន ៥០០,០០០ (ប្រាំសែន) រៀល។
សូមជម្រាបថា គ្រឿងឧបភោគនិងបរិភោគដែលប្រគល់ជូនដល់ដៃប្រជាពលរដ្ឋចំនួន១១៤គ្រួសារ រួមមាន៖
១.នំប៉័ង
២.អង្ករខ្សាយ
៣.មី
៤.ទឹកត្រី
៥.ទឹកស៊ីអ៊ីវ
៦.ត្រីខកំប៉ុង ៕
