ភ្នំពេញ៖ ជនសង្ស័យ០២នាក់ ត្រូវកម្លាំងនគរបាលប៉ុស្តិ៍រដ្ឋបាលឃ្មួញធ្វើការឃាត់ខ្លួន ករណីប្រើប្រាស់ដោយខុសច្បាប់ នូវសារធាតុញៀន កាលពីវេលាម៉ោង១២និង៣០នាទី ថ្ងៃទី០៥ ខែឧសភា ឆ្នាំ២០២០ នៅចំណុចក្នុងឃ្លាំងទុកចោល ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ។
សមត្ថកិច្ចបានឱ្យដឹងថា ជនសង្ស័យទាំងពីរនាក់នោះ ទី១-ឈ្មោះ អឿន សុភណ្ឌ័ ភេទប្រុស អាយុ២៧ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់ព្រែកប្រា ខណ្ឌច្បារអំពៅ នឹងទី២-ឈ្មោះ សុខ សំណាង ភេទប្រុស អាយុ១៩ឆ្នាំ ជនជាតិវៀតណាម មុខរបរគ្មាន ស្នាក់នៅបន្ទប់ជួល សង្កាត់ផ្សារដើមគរ ខណ្ឌទួលគោក។
នគរបាលប៉ុស្តិ៍ឃ្មួញ បានឱ្យដឹងទៀតថា ជនសង្ស័យទាំងពីរនាក់នោះ គឺកម្លាំងបានធ្វើការល្បាត ហើយឃើញពួកគេកំពុងជិះម៉ូតូ០១គ្រឿង ម៉ាកសង់ប៉ិក ពណ៌ខ្មៅ ពាក់ស្លាកលេខ ភ្នំពេញ 1BH-5963 គួរឱ្យសង្ស័យក៍ឃាត់យកមកពិនិត្យទឹកនោមមានផ្ទុកសារធាតុញៀនទើបឃាត់ខ្លួនតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
