ក្រុងប៉ោយប៉ែត ៖ នៅព្រឹកថ្ងៃពុធ ១៥ កើត ខែពិសាខ ឆ្នាំជូតទោស័ក ពុទ្ធសករាជ ២៥៦៣ត្រូវនឹងថ្ងៃទី៦ ខែឧសភា ឆ្នាំ២០២០នេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានដឹកនាំក្រុមការងារ ចុះពិនិត្យការដ្ឋានកំពុងស្ថាបនាកសាងប្រព័ន្ធ លូប្រអប់ ធំៗ ដែលជាការដូរឆ្នាំថ្មី ពីរាជរដ្ឋាភិបាល ក្រោមការដឹកនាំរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លូរំដោះទឹក ចំនួន៤ ទីតាំង ធំៗ ប្រវែងសរុប ២.៧០០ម៉ែត្រ ជាគម្រោងធនាគារអភិវឌ្ឍន៍អាស៊ី (ADB) កំពុងកសាង នៅក្នុងទឹកដីក្រុងប៉ោយប៉ែត ។
ក្នុងឱកាសនោះផងដែរ លោក អភិបាលក្រុងប៉ោយប៉ែត បានបញ្ជាក់ឱ្យថា ចំពោះ លូរំដោះទឹក ធំៗចំនួន៤ ទីតាំង នេះ ក្រុមការងារ បច្ចេកទេស កំពង់សម្រុក កសាងទាំងថ្ងៃ ទាំង យប់ សម្រាប់ប្រព័ន្ធលូមេធំៗ ៤ទីតាំង នេះ អាជ្ញាធរក្រុងយើងសង្ឃឹម ថា អាចបញ្ជៀសរំដោះទឹកជំនន់ ចេញពីទីប្រជុំជននៃក្រុងប៉ោយប៉ែតរបស់យើងបានច្រើន នៅរដូវភ្លៀង ខាងមុខនេះ ទោះបី ជនលិច ក៏តិចតួច ដែល ។
លោកអភិបាលក្រុងបានបញ្ជាក់បន្ថែមទៀតថា សម្រាប់ការងារ គោលដៅបន្ត ដើម្បីបញ្ជៀសទឹកជំនន់ចេញពីក្រុងប៉ោយប៉ែត នៅពេលប្រព័ន្ធលូមេធំៗនេះសាងសង់ចប់ជាស្ថាពរ អាជ្ញាធរក្រុងប៉ោយប៉ែតយើង និង បន្តរៀបចំប្រព័ន្ធលូ ដែលជាចរន្តតផ្ជាប់ពីលូតូចៗ មកចូលលូប្រអប់ ប្រព័ន្ធបញ្ជៀសទឹកជំនន់ បានច្រើនក្នុងទីប្រជុំជននៃក្រុងប៉ោយប៉ែត ។ ដោយ លោកចាន់ពុធ
