ឧត្តរមានជ័យ៖មន្ត្រីជំនាញរបស់អគ្គនាយកដ្ឋានសុខភាពសត្វនិងផលិតកម្មសត្វ នៃក្រសួងកសិកម្ម រុក្ខាប្រមាញ់ និង នេសាទ បានចុះចាប់រថយន្ដដឹកជញ្ជូនសត្វជ្រូកនាំចូលជ្រូកពីប្រទេសថៃ របស់ ក្រុមហ៊ុនដានីដេង តាមច្រកអន្តរជាតិ អូរស្មាច់ ក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ សង្ស័យមានភាពខុសប្រក្រតី និង មិនគោរពតាមច្បាប់ដឹកញ្ជូន ។
ការចុះបង្ក្រានេះ ធ្វើឡើងកាលព្រលប់ថ្ងៃទី៥ ខែឧសភា ឆ្នាំ២០២០ តាមផ្លូវជាតិលេខ៦៦ ត្រង់ចំណុចបង្គោលគីឡូលេខ១២១ ស្ថិតនៅឃុំអន្លង់វែង ស្រុកអន្លង់វែង ខេត្តឧត្តរមានជ័យ ដោយកម្លាំងអគ្គនាយកដ្ឋានសុខភាពសត្វនិងផលិតកម្មសត្វ នៃក្រសួងកសិកម្ម ។
តាមប្រភពព័ត៌មាន បានអោយដឹងថា ការដឹកជញ្ជូនសត្វជ្រូកពីប្រទេសថៃរបស់ ក្រុមហ៊ុន ដានីដេង ចូលមកប្រទេសកម្ពុជា តាមច្រកអន្តរជាតិអូរស្មាច់ នេះ គឺដឹកលើសច្បាប់ កំណត់រហូតទៅដល់២០ក្បាល និង គ្មានលិខិតបញ្ជាក់សុខភាពពីអគ្គនាយកដ្ឋានសុខភាពសត្វប្រទេសថៃនិងពេទ្យសត្វប្រចាំ ច្រកព្រំដែនទេីបអគ្គនាយកដ្ឋានសុខភាពសត្វនិងផលិតកម្មសត្វធ្វេីការចុះចាប់រថយន្ដដឹកជញ្ជូនសត្វជ្រូកនេះតែម្ដង។
ប្រភពព័ត៌មានដដែល បន្ដថា មានការរាំងស្ទះ នៅឃុំកកោះ ស្រុកសន្ទុក ខេត្តកំពង់ធំ ក្នុងការបញ្ជូនឡានដឹកជ្រូករបស់ឈ្មួញ មករាជធានីភ្នំពេញ ដើម្បីពិនិត្យមើលសុខភាពសត្វនិងអាជ្ញាប័ណ្ណ ក្នុងការដឹកជញ្ជូនរបស់អគ្គនាយកដ្ឋានសុខភាពសត្វ មន្ត្រីប៉េអឹមខេត្តកំពង់ធំ , ប៉ូលិសសេដ្ឋកិច្ច និង ពេទ្យសត្វ ខេត្តកំពង់ធំ បានប្រាប់ដល់អ្នកព័ត៌មាន ថា ត្រូវរង់ចាំបញ្ជាពីព្រះរាជអាជ្ញាខេត្តកំពង់ធំ សិន ។
ក្រុមការងារបង្ក្រាបបទល្មើសចរាចរសត្វ និង ផលិតផលសត្វ បានឃាត់រថយន្ត១គ្រឿង ម៉ាក HYUNDAI ពាក់ស្លាកលេខត្បូងឃ្មុំ 3A-0747 ដឹកជ្រូករស់ចំនួន៦០ក្បាល នៅលើផ្លូវជាតិលេខ៦៦ ត្រង់ចំណុចបង្គោលគីឡូលេខ១២១ ស្ថិត នៅឃុំអន្លង់វែង ស្រុកអន្លង់វែង ខេត្តឧត្តរមានជ័យ ។
រថយន្ត នេះ បានដឹកសត្វលើសចំនួន២០ក្បាល ដែលបានស្នើសុំក្នុងលិខិតអនុញ្ញាតដឹកជញ្ជូនសត្វ ហើយបានប្រើប្រាស់នូវលិខិតនាំចេញពីប្រទេសថៃក្លែងក្លាយ ។
ប្រភពព័ត៌មាន បានអោយដឹងថា កាលពីពេលកន្លងទៅថ្មីៗនេះសកម្មភាពដឹកជញ្ជូន សត្វជ្រូក ក៍ដូចជាសត្វមាន់នាំចូលពីប្រទេសថៃរបស់ក្រុមឈ្មួញដុះស្លែ ឆ្លងកាត់ច្រកអន្តរជាតិអូស្មាច់ ក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ នៅតែមានសកម្មភាព គគ្រឹកគគ្រេង ទាំង យប់ទាំងថ្ងៃ ដែលករណីនេះ ត្រូវបានគេសង្សយ័ថា ការដឹកជញ្ជូនសត្វជ្រូក ក៍ដូចជាសត្វមាន់ អាចដឹកលើសច្បាប់កំណត់ នាំអោយបាត់បង់ ចំណូលពន្ធយ៉ាងច្រើនក្នុង១ថ្ងៃៗ តែនឹងបានចូលហោប៉ៅមន្ត្រីខិលខូចទៅវិញ ។ម្យ៉ាងវិញទៀតបេីក្រុមហ៊ុនណាដែលត្រូវគ្នាជាមួយអគ្គនាយកដ្ឋានសុខភាពសត្វនិងផលិតកម្មសត្វទោះបីជាដឹងយ៉ាងមេចក៍មិនចាប់ដែរហេីយបេីក្រុមហ៊ុនណាដែលមិនសូវត្រូវជាមួយអគ្គនាយកដ្ឋានសុខភាពសត្វនិងផលិតកម្មសត្វគឺត្រូវចាប់តែម្ដងទោះដឹកប៉ុន្មានក៍ដោយ។
សូមរម្លឹកដែរថាកាលពីពេលកន្លងទៅថ្មីៗនេះក្រុមហ៊ុនជឺ ប៊ុនថន ឯ.កត្រូវបានបិតទាំងស្រុងផងដែរព្រោះថាក្រសួងកសិកម្មរុក្ខាប្រមាញ់និងនេសាទមិនបន្ដអាជ្ញាប័ណ្ណឲ្យនេះបេីតាមការអះអាងពីម្ចាស់ក្រុមហ៊ុនជឺ ប៊ុនថន ឯ.ក៕
