ស្វាយរៀង៖ ឯកឧត្ដម តូច ប៉ូលីវ៉ា អភិបាលរងខេត្តស្វាយរៀង និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយយា បានចុះជួបសំណេះសំណាលជាមួយបងប្អូនប្រជាពលរដ្ឋ និងពិនិត្យដោះស្រាយបញ្ហាជូនបងប្អូនប្រជាពលរដ្ឋស្នើឲ្យរដ្ឋបាលខេត្តជួយសម្របសម្រួលរកទីផ្សារវត្ថុធាតុដើមសម្រាប់តម្ប៉ាញ និងលក់ក្រម៉ា នឹងជួយសម្របសម្រួលជាមួយគ្រឹះស្ថានមីក្រូហិរញ្ញវត្ថុឯកជនជួយបន្ធូរបន្ថយការបង់ការប្រាក់ដែរខ្ចីពីគ្រឹះស្ថានឯកជន នៅភូមិដំណាក់កន្ទួត ឃុំស្វាយយា ស្រុកស្វាយជ្រំ ខេត្តស្វាយរៀង។
ដោយមានការចូលរួមពីលោកជំទាវសមាជិកក្រុមប្រឹក្សាខេត្ត លោកអភិបាលស្រុក លោកមេឃុំ ក្រុមប្រឹក្សាឃុំ នាយប៉ុស្ដិ៍រដ្ឋបាល លោកមេភូមិ អនុប្រធាន ជំនួយការភូមិ និងបងប្អូនប្រជាពលរដ្ឋ សរុបអ្នកចូលរួម៩៧នាក់ ស្រី៦៤នាក់។
ក្នុងឱកាសនោះផងដែរឯកឧត្ដមអភិបាលរង បានមានប្រសាសន៍ទៅកាន់បងប្អូន ប្រជាពលរដ្ឋឱ្យបង្កើនការយកចិត្តទុកដាក់ពីសុខភាព ជាពិសេសអនុវត្តការលាងដៃជាប់ជាប្រចាំ និងពាក់ម៉ាស់នៅកន្លែងមានមនុស្សច្រើន ដើម្បីការពារការរីករាលដាលនៃជំងឺកូវីដ១៩ ដែលកំពុងតែរាតក្បាតជាសកល និងប្រទេសកម្ពុជាយើងផងដែរ៕ 
