ភ្នំពេញ៖ រាជរដ្ឋាភិបាលកម្ពុជា បានសម្រេច អនុញ្ញាតឱ្យនាំអង្ករចេញឡើងវិញហើយ ដោយចាប់អនុវត្តន៍ ពីថ្ងៃទី២០ ខែឧសភា ឆ្នាំ២០២០ នេះតទៅ។
នេះបើយោងតាម សេចក្តីជូនដំណឹងរបស់ក្រសួងសេដ្ឋកិច្ចនិងហិរញ្ញវត្ថុ និងសេចក្តីជូនដំណឹង របស់សហព័ន្ធស្រូវអង្ករកម្ពុជា នៅថ្ងៃទី១៣ ខែឧសភានេះ។
ក្នុងសេចក្តីជូនដំណឹង បានសរសេរបញ្ជាក់ដូច្នេះថា៖ «តាមសំណើរ របស់សហព័ន្ធ ស្រូវអង្ករ កម្ពុជា រាជរដ្ឋាភិបាល សម្រេចផ្តល់ការ អនុញ្ញាត ឱ្យធ្វើការនាំចេញអង្ករស ជាបណ្តើរៗឡើងវិញ តាមកិច្ចសន្យា បញ្ជាទិញពីក្រៅប្រទេស ដោយគិតចាប់ ពីថ្ងៃទី២០ ខែឧសភា ឆ្នាំ២០២០ តទៅ»។
សូមបញ្ជាក់ថា ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតី តេជោ ហ៊ុន សែន បានសម្រេច ឱ្យផ្អាកការនាំចេញស្រូវ និងអង្ករ ស កាលពីថ្ងៃទី០៥ ខែមីនា ឆ្នាំ២០២០ ដើម្បីទុកបំពេញតម្រូវការ ប្រើប្រាស់នៅក្នុងស្រុក ក្នុងពេលដែល ជំងឺកូវីដ-១៩ កំពុងរីករាលដាលនោះ៕ 
