ខេត្តបន្ទាយមានជ័យ ៖ នារសៀលថ្ងៃទី១៤ ខែឧសភា ឆ្នាំ២០២០ ថ្នាក់ដឹកនាំខេត្តបន្ទាយមានជ័យ ដែលមាន ឯកឧត្តម ខេង ស៊ុម ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ រួមទាំងមន្រ្តីរាជការ អភិបាលស្រុក ក្រុង លោក លោកស្រីប្រធាន អនុប្រធានមន្ទីរ កងកម្លាំប្រដាប់អាវុធគ្រប់អង្គភាពជុំវិញខេត្ត បានប្រារព្ធពិធីសូត្រមន្ត ដើម្បីធ្វើការបួងសួងទៅដល់ទេវតា នូវពរទាំងឡាយ សិរីសួរស្តី វិបុលសុខ សូមកើតមានដល់គ្រប់អស់លោក លោកស្រី ថ្នាក់ដឹកនាំ មន្រ្តីរាជការ ដែលខិតខំប្រឹងប្រែង បំពេញការងារយៈពេកកន្លងមក អោយមានសាមគ្គីភាព ឯកភាពគ្នា ទំនាក់ទំនងល្អ រវាងមន្ទីរ ស្ថាប័ននានាជុំវិញខេត្ត និងបន្តអនុវត្តការងារ អោយសម្រេចបានលទ្ធផលល្អ សំដៅរួមគ្នាអភិវឌ្ឍន៍ ខេត្តបន្ទាយមានជ័យ អោយមានមុខមាត់ស្រស់បំព្រង។ ជាពិសេស សូមបួងសួងអោយបងប្អូនប្រជាពលរដ្ឋទូទាំងខេត្តបន្ទាយមានជ័យ ជៀសអោយផុតពីការឆ្លងរីករាលដាលនៃជំងឺកូវីដ-១៩ និងគ្រោះធម្មជាតិដោយខ្យល់កន្រ្ទាក់ផងដែរ។
