ស្វាយរៀង៖នៅព្រឹកថ្ងៃសុក្រ ៩រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៥ ខែឧសភា ឆ្នាំ២០២០
ឯកឧត្ដម តូច ប៉ូលីវ៉ា អភិបាលរងខេត្ត បានចូលរួមជាមួយឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងជាប្រធានគណៈកម្មការប្រយុទ្ធប្រឆាំងនឹងជំងឺកូវីដ១៩ បានអញ្ជើញទទួលសម្ភារៈដែលឧបត្ថម្ភដោយអង្គការការីតាសកម្ពុជា តាមរយះលោកជំទាវ ព្រុំ សុភី អនុរដ្ឋលេខាធិការក្រសួងបរិស្ថានសម្រាប់ចាត់ចែងក្នុងកំឡុង ពេលយុទ្ធនាការប្រយុទ្ធប្រឆាំងនឹង ជំងឺកូវីដ១៩នៅក្នុងខេត្តស្វាយរៀង។
ដោយមានការអញ្ជើញចូលរួមពីឯកឧត្ដម តូច ប៉ូលីវ៉ា អភិបាលរង តំណាងអង្គការការីតាស លោកប្រធានមន្ទីរបរិស្ថានខេត្តនិងសហការី ដែលសម្ភារប្រយុទ្ធប្រឆាំងនិងជំងឺកូវីដ១៩ រួមមាន សាប៊ូ២១កេស ស្មើនឹង១៥១២ដុំ, ម៉ាស៥០ប្រអប់ ស្មើនឹង២៥០០សន្លឹក, អាល់កុល១០បីដុង ស្មើនឹង១០០លីត្រ, និងផ្ទាំងអប់រំផ្សព្វផ្សាយ១០៥ដុំ ស្មើនឹង១០០០សន្លឹក ៕
