ក្រុងប៉ោយប៉ែត ៖ នៅរសៀលថ្ងៃចន្ទ ១២ រោច ខែពិសាខ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី១៨ ខែឧសភា ឆ្នាំ២០២០ នេះ លោក គាត ហ៊ុល អភិបាលនៃគណៈ អភិបាលក្រុងប៉ោយប៉ែត បានទទួលអំណោយមនុស្សធម៌ ជាយុទ្ធសាស្ត្រ អង្ករចំនួន២០០០គីឡូក្រាម (ពីរតោន) ពីក្រុមហ៊ុនបេតុងលាយស្រេច SSP ដើម្បីរួមចំណែកក្នុងការងារមនុស្សធម៌ក្នុងកិច្ចជួយសង្គ្រោះប្រជាពលរដ្ឋក្រីក្រ និងជនងាយរងគ្រោះដែលកំពុងជួបការខ្វះខាតស្បៀងយ៉ាងខ្លាំងក្នុងកាលៈទេសៈនៃការរីករាលដាលនៃជំងឺ រាត្បាតវីរុសកូវីដ-១៩ (COVID-19)
សូមបញ្ជាក់ថា ក្រុមការងារ ម្ចាស់អំណោយ របស់ក្រុមហ៊ុនបេតុងលាយស្រេចSSP រួមមាន ៖
១ • លោក លាង ចន្ទគ្រិស្នា
២ លោក ខា អីយូ
៣ • លោក សន គឹមសេង
៤ • លោក ឃន់ ស្រន់
៦ • លោក វ៉ុន ភារុំ
នៅក្នុងឱកាសនោះផងដែរ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុនបេតុងលាយស្រាច SSP ដែលមាន លោក សន គឹមសេង ជាតំណាងក្រុមហ៊ុន រួមនឹងក្រុមការងារ ដែលមានចិត្តសប្បុរសចូលរួមជាមួយនឹងសកម្មភាពមនុស្សធម៌របស់រដ្ឋបាលក្រុងប៉ោយប៉ែត នាពេលនេះ។ ដោយសកម្មភាពនេះចាត់ទុកថាបានចូលចំពេលក្នុងស្ថានភាពនៃការរាតត្បាតរបស់វីរុសកូវីដ-១៩ បណ្តាលឱ្យបងប្អូនប្រជាពលរដ្ឋមួយចំនួនក្នុងមូលដ្ឋានជួបការខ្វះខាតស្បៀងប្រចាំថ្ងៃ។ ក្នុងឱកាសនោះ លោកអភិបាលក្រុង បានសង្កត់ធ្ងន់ថា ក្នុងនាមរាជរដ្ឋាភិបាលកម្ពុជា និងក្នុងនាមរដ្ឋបាលក្រុងប៉ោយប៉ែត តាំងចិត្តយ៉ាងមុតមាំថា ” ដាច់ខាតមិនទុកចោលបងប្អូនប្រជាពលរដ្ឋណាម្នាក់ដាច់ពោះស្លាប់ដោយសារអត់អាហារ និងអាជ្ញាធរមិនបានយកចិត្តទុក្ខដាក់នោះឡើយ ៕ ដោយ លោកចាន់ពុធ
