បន្ទាយមានជ័យ៖លោក អាង ណារឹទ្ធិ ប្រធានមន្ទីររៀបចំដែនដីនគរូបនីយកម្ម សំណង់និងសុរិយោដីខេត្តបន្ទាយមានជ័យបានព្រមានថា មេភូមិបាលនិងមន្ត្រីនៅស្រុកភ្នំស្រុកត្រៀមបង្វិចឲ្យហើយទៅករណីឃុបឃឹតនឹងអភិបាលស្រុកលក់ដីរដ្ឋនៃមន្ទីរ ក្រសួងធនធានទឹកនិងឧតុនិយមនៅអាងត្រពាំងថ្ម ឃុំប៉ោយចារស្រុកភ្នំស្រុក ដែលបែកធ្លាយកាលពីថ្មីៗនេះ ។
លោក អាង ណារឹទ្ធិបានធ្វើការព្រមានខ្លាំងៗទៅលើលោកតាំង ផាន ប្រធានការិយាល័យរៀបចំដែនដី នគរោបនីយកម្ម សំណង់និងភូមិបាលនិងមន្ត្រីជំនាញស្រុកភ្នំស្រុកក្នុងប្រជុំត្រួតពិនិត្យវឌ្ឍនភាពការងារចុះបញ្ជីដីធ្លីមានលក្ខណៈជាប្រព័ន្ធនៃមន្ទីររៀបចំដែនដីនគរោបនីយកម្ម សំណង់និងសុរិយោដីខេត្តបន្ទាយមានជ័យ ដែលមានលោកលី សារី អភិបាលរងខេត្ត ខេត្តបន្ទាយមានជ័យនិងអនុប្រធានមន្ទីរ ប្រធានការិយាល័យរៀបចំដែនដី នគរោបនីយកម្ម សំណង់និងភូមិបាលស្រុកក្រុងទាំង៩ និងប្រធាន អនុប្រធាន វាលទាំង៧ក្រុមចូលរួម រសៀលថ្ងៃទី១៨ ខែឧសភាឆ្នាំ២០២០ នៅនៅមន្ទីរដែនដី ។
លោក អាង ណារឹទ្ធិ បានបន្តថាឥឡូវនេះមានបញ្ហាហើយគឺប្រធានមន្ទីរធនធានទឹកនិងឧតុនិយមខេត្តបានធ្វើលិខិតផ្លូវការមកលោក ក៏ដូចអាជ្ញាធរខេត្តឲ្យជួយអន្តរាគមន៍ទប់ស្កាត់នូវសកម្មភាពរបស់អាជ្ញាធរ ជំនាញនិងពលរដ្ឋកុំឲ្យរំលោភបំពានយកដីរដ្ឋនៃសារពើភ័ណ្ឌរបស់មន្ទីរនិងក្រសួងធនធានទឹកនៅផ្លូវឡើងអាងនិងជាប់ទំនប់អាងត្រពាំងថ្ម ។
លោកបានបន្តថា លោកបានប្រាប់រួចមកហើយថា ប្រយ័ត្នតែមិនស្តាប់ឥឡូវបញ្ហាហើយ ដែលលោកតាំង ផាននិងមន្ត្រីមិនរាយការណ៍មកមន្ទីរ ហើយទៅវាស់វែងដីរដ្ឋនោះលក់នេះសំណាង ដែលលោកមិនបានអនុញ្ញតិ មិនបាមិនបានធ្វើបេសសកកម្មឲ្យ មិនចូលដៃកុំអីលោក
ក៏ជាប់អ៊ូរដែរ តែនេះ លោកប្រធានភូមិបាលនិងមន្ត្រី ទទួលខុសត្រូវខ្លួនឯងទៅ ត្រៀមស្បែកឲ្យហើយទៅ នឹងចូលអ៊ូរ សុីបាយស្វាឲ្យហើយទៅ បើត្រូវថ្នាក់លើត្រូវអង្កេតព្រោះនោះដីអាងទឹករបស់រដ្ឋ ដីបឹងបួរ ត្រពាំង។
លោករ៉ូ បូរ៉ា អនុប្រធានមន្ទីររៀបចំដែនដីនគរោបនីយកម្ម សំណង់និងសុរិយោដីខេត្តបន្ទាយមានជ័យប្រាប់ថាបញ្ហានេះលោកប្រធានមន្ទីរនិងអនុប្រធានទទួលជំនាញបានណែនាំទៅលោកប្រធានភូមិបាលរួចហើយប៉ុន្តែលោកតាំង ផានលោកចាស់ ស្លូតដូចជាមិនយល់
ឲ្យច្បាស់ពីច្បាប់ ពីជំនាញ ហើយខ្លាចអំណាចអាជ្ញាធរ ទើបលោកទៅវាស់វែងលក់ដីរដ្ឋនឹងគេដូច្នេះ ។
ឆ្លើយតបបញ្ហានេះ លោកតាំង ផាន ប្រធានការិយាល័យរៀបចំដែនដី នគរោបនីយកម្ម សំណង់និងភូមិបាលស្រុកភ្នំស្រុកប្រាប់ថាដីដែលលោកនិងមន្ត្រីទៅវាស់វែងជាមួយអាជ្ញាធរភូមិឃុំស្រុកនិងពលរដ្ឋម្ចាស់ដីនោះគឺធ្វើតាមបញ្ជាលោកយឹម សំណាងអភិបាលស្រុកភ្នំស្រុកវាជាដីឯកជនរបស់ពលរដ្ឋទេ ។
ចំពោះដីរបស់អង្គភាពនគរបាលស្រុក កងរាជអាវុធហត្ថស្រុកនិងផ្នែកសឹករងស្រុកដែលបានប្តឹងតវ៉ានោះ មានតែនៅនឹងជាប់ទំនប់អាងបណ្តោយ៣០ម៉ែត្រ ជម្រៅ៥ម៉ែត្រប៉ុណ្ណោះ ឯដីខាងក្រោយនោះ ក៏ផុតពីដីសារពើភ័ណ្ឌនៃមន្ទីរក្រសួងធនធានទឹកនិងឧតុនិយមដែរ ។
ចំណែក លោកយឹម សំណាង អភិអភិបាលស្រុកភ្នំស្រុកប្រាប់ថាដីរដ្ឋឬសារពើរភ័ណ្ឌនៃមន្ទីរក្រសួងធនធានទឹកនិងឧតុនិយមគឺស្ថិតនៅ៨០ម៉ែត្រគិតពីអ័ក្សនៃទំនប់អាងត្រពាំងថ្មចុះក្រោមប៉ុណ្ណោះចំពោះដីសងខាងផ្លូវឡើងទំនប់អាង ជាដីបម្រុងរបស់ឃុំប៉ោយចារឬហៅថាដីរដ្ឋរបស់ឃុំ មិនមែនដីរបស់ធនធានទឹកទេឯដីដែលលោកបានបញ្ជានិងក្រុមការងារអាជ្ញាធរ ភូមិបាលទៅវាស់វែងដើម្បីធ្វើលិខិតបញ្ជាក់ការកាន់កាប់កម្មសិទ្ធិអចលនវត្ថុដីនោះ ជាដីជាដីឯកជនរបស់ពលរដ្ឋទេ៕ដោយ៖លោកចាន់ ពុធ
