បន្ទាយមានជ័យ ៖ ឯកឧត្តមឧត្តមសេនីយ៍ឯក ហ៊ុន សំណាង ប្រធាននាយកដ្ឋានចារកម្ម នៃអគ្គស្នងការនគរបាលជាតិកាលពីរសៀលថ្ងៃទី២២ ខែឧសភា ឆ្នាំ២០២០ បានដឹកនាំមន្ត្រីក្រោមឱវាទ ចុះសួរសុខទុក្ខគ្រួសារលោកវរសេនីយ៍ត្រី អេម ពៅ ដែលរងគ្រោះដោយភ្លើងឆេះផ្ទះកាលពីកន្លងទៅ ។
ជាមួយនិងការចុះសួសុខទុក្ខនេះឯកឧត្តមឧត្តមសេនីយ៍ឯក ហ៊ុន សំណាង បានមានប្រសាសន៍ចូលរួមសោកស្តាយនិងការលំបាក់របស់លោកវរសេនីយ៍ត្រី អេម ពៅ ដែលត្រូវបានអគ្គីភ័យឆាបឆេះលំនៅដ្ឋានព្រមទាំងទ្រព្យសម្បត្តិអស់និងបានលើកទឹកចិត្តធ្វើយ៉ាងណាខិតខំប្រឹងប្រែងបន្តទៅមុខទៀត ។ថវិការនិងអំណោយដែលឯកឧត្តមនាំយកមកនាពេលនេះគឺជាការចូលរួមរបស់ថ្នាក់ដឹកនាំនិងបងប្អូនរួមការងារនៃនាយកដ្ឋាន។
អំណោយទាំងអស់រួមមាន៖ អង្ករ ១០០គីឡូក្រាម, ទឹកសុទ្ធ៤កេះ, ទឹកត្រី១យួរ, ទឹកស៊ីអ៊ីវ២យួរ, ត្រីខ២យួរ, មី២កេះ និងថវិកា ៦,៣១០,០០០រៀល (ប្រាំមួយលានសាមសិបមួយម៉ឺន) បានប្រគល់ជូនលោកវរសេនីយ៍ត្រី អេម ពៅ ប្រធានស្នាក់ការខេត្តបាត់ដំបង។
ដោយបានការយកចិត្តទុកដាក់ពីថ្នាក់ដឹកនាំលោកវរសេនីយ៍ត្រី អេម ពៅ ប្រធានស្នាក់ការខេត្តបាត់ដំបងបានថ្លែងអំណរគុណយ៉ាងជ្រាលជ្រៅចំពោះឯកឧត្តមឧត្តមសេនីយ៍ឯក ហ៊ុន សំណាង និងលោក លោកស្រី អនុប្រធាននាយកដ្ឋានព្រមទាំងអស់លោកលោកស្រីរួមការងារទាំងអស់ជាពិសេសឯកឧត្តមប្រធានដែលបានចំណាពេលដ៍វែងឆ្ងាយពីរាជធានីភ្នំពេញចុះសួរសុខទុកដល់លំនៅដ្ឋានដែលរងគ្រោះដោយភ្លើងឆេះ។ការយកចិត្តទុកដាក់និងការចុះផ្ទាល់នេះជាការផ្តល់កិត្តិយសបំផុត សម្រាប់រូបលោក និងក្រុមគ្រួសារហើយកាន់តែផ្តល់កំលាំងចិត្តកាន់តែខ្លាំងដល់រូបលោកអភិវឌ្ឍន៍គ្រួសារ និងការងារបន្ថែមទៀត ៕
