ក្រុងប៉ោយប៉ែត ៖ នៅរសៀលថ្ងៃអង្គារ ៥ កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ត្រូវនឹងថ្ងៃទី២៦ ខែឧសភា ឆ្នាំ២០២០ នេះ រដ្ឋបាលក្រុងប៉ោយប៉ែត បានរៀបចំ ពិធីចែកអំណោយ មនុស្សធម៌ ក្រោមអធិបតីភាព ឯកឧត្ដម ង៉ោ ម៉េងជ្រួន អភិបាលរង នៃគណៈអភិបាលខេត្តបន្ទាយមានជ័យ • លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត • និងមានការអញ្ជើញចូលរួម ពី លោក អ៊ុយ ច័ន្ទរិទ្ធ សមាជិកក្រុមប្រឹក្សាក្រុងប៉ោយប៉ែត • លោក ទូច មុនី អភិបាលរងក្រុង • លោក ខាត ធា នាយករងរដ្ឋបាលក្រុង រួមជាមួយប្រជាពលរដ្ឋ ចំនួន១៦៤គ្រួសារ ក្នុងកាលៈទេសៈនៃតំរូវការចាំបាច់របស់បងប្អូនប្រជាពលរដ្ឋក្នុងមូលដ្ឋានដែលបានរងផលប៉ះពាល់យ៉ាងធ្ងន់ធ្ងរដោយសារការរីករាលដាលជាសកលនៃវីរុសកូវីដ-១៩ នៅទូទាំងប្រទេស និងសកល ។
នៅក្នុងឱកាសចែកអំណោយ មនុស្សធម៌ នេះ ក្រុមការងារ មន្ត្រីរដ្ឋបាល យុវជន និង កម្លាំងប្រជាការពារ បានធ្វើការចែកជូនម៉ាស់ ជូនបងប្អូនប្រជាពលរដ្ឋទាំងអស់ដែលបានមកទទួលអំណោយយ៉ាងយកចិត្តទុកដាក់ និងការទទួលខុសត្រូវខ្ពស់ ជាពិសេសនោះ បានរៀបចំជូនពួកគាត់ (ប្រជាពលរដ្ឋ) នូវកន្លែងអង្គុយស្ថិតក្នុងគម្លាតសុវត្ថិភាពឆ្ងាយៗពីគ្នា ប្រហែលប្រវែងជិត ២ម៉ែត្រ ក្នុងន័យបង្ការ និងទប់ស្កាត់ការចម្លងជំងឺឧត្បាត កូវីដ-១៩ (COVID-19)។
សូមជម្រាបថា ក្នុងពិធីចែកអំណោយនោះទោះបងប្អូនប្រជាពលរដ្ឋ ដែលបានមកសុំ ដោយមិនឈ្មោះ ក៏លោក គាត ហ៊ុល អភិបាលក្រុង ចាត់ចែងប្រគល់អំណោយជូនប្រជាពលរដ្ឋទាំងនោះផងដែល ។
ជាមួយគ្នានោះ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត បានមានមតិជួបសំណេះសំណាល និងពាំនាំការផ្ដាំផ្ញើរ សួរសុខទុក្ខ ពី ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដល់បងប្អូនប្រជាពលរដ្ឋ ចូលរួមរស់នៅ អោយមានអនាម័យ ត្រូវឧស្សា លាងដៃ និង ជៀល ឬអាល់កុល និងត្រូវ ពាក់ម៉ាស នៅតាមទីប្រជុំជន អោយបានគ្រប់ៗគ្នាទោះបី កូវីដ ១៩នៅកម្ពុជាយើងបានជាសះស្បើយ អទាំងអស់ក៏ដោយ ។
លោក អភិបាលក្រុងប៉ោយប៉ែត បានបន្តរទៀតថា សូម ធ្វើយ៉ាងណា សូម បងប្អូនប្រជាពល ដែលមានមុខរបរ ត្រូវចូល ផ្សារថៃ មេត្តា ស៊ូទ្រាំបន្តិចសិន រង់ចាំអោយអាជ្ញាធរថៃ បើកច្រក ជាផ្លូវការចាំចូលចេញចូល ទៅ ប្រទេសថៃ អោយស្របតាមផ្លូវច្បាប់ កុំលួចឆ្លងដែនចូលទឹកដីថៃ តាមច្រករបៀង ដោយខុសច្បាប់អោយសោះព្រោះ បច្ចុប្បន្ននេះប្រទេសថៃ គេកំពុងដាក់ប្រទេសគេស្ថិតក្នុងគ្រោះអាសន្ន ។
នៅក្នុងឱកាសនោះផងដែរ ឯកឧត្ដម ង៉ោ ម៉េងជ្រួន អភិបាលរង នៃគណៈអភិបាលខេត្តបន្ទាយមានជ័យ
ក៏មានមតិជួបសំណេះសំណាល ផ្ដាំផ្ញើរ សុំចិត្ត បងប្អូន ប្រជាពលរដ្ឋ អំពីបញ្ហាបិតច្រទ្វាព្រំដែន អន្តរជាតិ ប៉ោយប៉ែត កុំមានការភាន់ច្រឡំ ថ្នាក់ថ្នាំង ចិត្តដល់ អាជ្ញាធរអី ព្រោះថ្នាក់ដឹកនាំ លោក បានគិតគូរ ណាស់ នូវទុក្ខកង្វល់របស់បងប្អូនប្រជាពលរដ្ឋ តាំងពីថ្ងៃ ដែល អាជ្ញាធេថៃ ប្រកាស់បិតច្រកថ្ងៃដំបូង មកម្ល៉េះ មិនមែនទើបមកគិតគូរ នោះទេ ចឹងហើយសុំចិត្តបងប្អូន ធ្វើយ៉ាងណា អត់ធ្មត់ បន្តិច រងចាំ ថ្នាក់ដឹកនាំ ប្រទេសទាំង ពី រកដំណោះស្រាយ ជូនបងប្អូន ។ ដោយ លោកចាន់ពុធ
គាត
