ស្វាយរៀង៖ព្រឹកថ្ងៃអង្គារ០៤កើត ខែជេស្ឋឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែឧសភា ឆ្នា២០២០លោក គង់ វស្សា ប្រធានក្រុមប្រឹក្សាស្រុក និងលោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំក្រុមការងារនាំយកសម្ភារៈ រួមមាន៖ទូរទស្សន៍ ០១គ្រឿង អាគុយ០១ អំពូលភ្លើង០២ ផ្ទាំងសូឡា ០១ឈុត រទេះរុញ ០១គ្រឿង ដែលជាអំណោយរបស់ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ផ្ដល់ជូនលោកយាយ ចាន់ ហន អាយុ ៨៧ ឆ្នាំ រស់នៅភូមិគោតែក ឃុំចន្ទ្រា ស្រុកចន្ទ្រា ដែលជាចាស់ជរាពិការ ក្រីក្រ ។
បន្ទាប់មក លោក គង់ វស្សា និងលោក ថន ថាវុទ្ធា បានបន្តដឹកនាំក្រុមការងារស្រុក ឃុំ ចុះសំណេះសំណាល និងផ្តល់រទេះរុញដែលជាអំណោយរបស់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ជូនលោកយាយ វីង ធីប អាយុ ៨៩ឆ្នាំ ចាស់ជរាជនពិការរស់នៅភូមិចន្ទ្រា ឃុំចន្ទ្រា ស្រុកចន្ទ្រា ខេត្ដស្វាយរៀង៕
