ភ្នំពេញ ៖ ជនសង្ស័យ២នាក់ ត្រូវសមត្ថកិច្ចនគរបាលប៉ុស្តិ៍គោកឃ្លាង ធ្វើការឃាត់ខ្លួន ក្រោយពីធ្វើសកម្មភាពលួចយកខ្សែភ្លើងរបស់យកគេបានចំនួន៤ដុំ កាលពីវេលាម៉ោង៨និង៣០នាទី ថ្ងៃទី០១ ខែឧសភា ឆ្នាំ២០២០ នៅចំណុចផ្ទះជួល ផ្លូវ១០១៩ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ។
ជនសង្ស័យទាំង០២នាក់ ទី១-ឈ្មោះ ហ៊ន ណេន ភេទប្រុស អាយុ៣២ឆ្នាំ ជនជាតិខ្មែរ មុខរបរ ដើរទិញអេតចាយ ស្នាក់នៅផ្ទះជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន), ទី២-ឈ្មោះ ម៉ាត់ មុំ ភេទស្រី អាយុ៥៦ឆ្នាំ ជនជាតិខ្មែរ មុខរបរ អ្នកបម្រើតាមផ្ទះ ស្នាក់នៅផ្ទះលេខ៣៦ ផ្លូវ១០២ ភូមិត្រពាំងរាំងថ្មី សង្កាត់ឃ្មួញ ខណ្ឌសែនសុខ (គ្មានសារធាតុញៀន)។
ចំណែកជនរងគ្រោះមានឈ្មោះ XU YOUYI ភេទប្រុស អាយុ៥៧ឆ្នាំ ជនជាតិចិន មុខរបរ លក់គ្រឿងសំណង់ ស្នាក់នៅផ្ទះជួល ផ្លូវ១០១៩ ភូមិត្រាំងរាំងថ្មិ សង្កាត់គោកឃ្លាង ខណ្ឌសែនសុខ កាន់លិខិតឆ្លងដែនលេខ EB4932841។ សម្ភារៈបន្សល់ទុក៖ ខ្សែភ្លើង០៤ដុំមានតម្លៃ១៥៦ដុល្លារ។
