បន្ទាយមានជ័យ៖ ថ្ងៃព្រហស្បតិ៍ ១៤កើតខែជេស្ឋឆ្នាំជូតទោស័កពុទ្ធសករាជ ២៥៦៤ ត្រូវនឹងយប់ថ្ងៃទី ៤ខែមិថុនាឆ្នាំ ២០២០ លោក សែម សាមឿន មេប៉ុស្តិ៍ក្បាលស្ពាននៃវរៈព្រំដែនគោកលេខ ៨៩១ដឹកនាំកម្លាំងប៉ុស្តិ៍ចំនួន ៤ រូបចុះល្បាតតាមចំណុចគោលដៅនៃប៉ុស្តិ៍ក្បាលស្ពាន ហើយក្នុងការចុះល្បាតនេះសមត្ថកិច្ចបានរកឃើញ ទូកជ័រព័ណក្រហមមួយដែលចងនៅនឹងមាត់អូរព្រំដែន។ហើយនៅពេលនោះលោក មេប៉ុស្តិ៍ បានឲ្យកម្លាំងអូសឡើងមកលើគោក ។
បញ្ជាក់ផងដែរថាកាលពីល្ងាចម៉ោងប្រមាណ ៨ និង ៣០ នាទីដោយលោកមេប៉ុស្តិ៍បានទទួលសេចក្តីរាយការណ៍ពីប្រជាពលរដ្ឋដែលរស់នៅតាមមាត់អូរព្រំដែនឲ្យដឹងថាមានមេខ្យល់ដែលបំរ៉ុង នាំមនុស្សឆ្លងដែនចេញតាមអូរព្រំដែនចំនួនជាង១០នាក់ ដែលត្រៀមចេញ នៅចំណុចកន្លែងដែល សមត្ថកិច្ច រឹបអូសទូក នោះ តែដោយមេខ្យល់និងពលករទាំងអស់នោះដឹងខ្លួនជាមុន ក៍ត្រូវបាននាំគ្នាបិទសាប៊ូប្រូចបាត់អស់រលីងនៅសល់តែទូក បច្ចុប្បន្ននេះសមត្ថកិច្ចបានរឹបអូសទូកយកទៅរក្សាទុកនៅប៉ុស្តិ៍ក្បាលស្ពាន នៃវរៈព្រំដែន គោក៨៩១ ស្ថិតក្នុងភូមិក្បាលកោះសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ ដើម្បីសួររកម្ចាស់ទូក៕
