ខេត្តស្វាយរៀង៖ព្រឹកថ្ងៃសុក្រ១៥កើត ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៥ ខែ មិថុនា ឆ្នាំ ២០២០ លោក ថន ថាវុទ្ធា អភិបាលស្រុកចន្ទ្រា និងជាប្រធានអនុសាខាកាកបាទក្រហមកម្ពុជាស្រុកចន្ទ្ទ្រាបាននាំ ក្រុមការងារអនុសាខាកាកបាទក្រហមកម្ពុជាស្រុកចន្ទ្រានាំយកអំណោយមនុស្សធម៌ របស់អនុសាខាស្រុកចុះសួរសុខទុក្ខ និងចែកអំណោយដល់គ្រួសារក្រីក្រចាស់ជរា ឈ្មោះ គង់ សាវ៉ាន់ រស់ អាយុ ៦៩ឆ្នាំ រស់នៅភូមិសែនត ឃុំចន្រ្ទាស្រុកចន្ទ្រា ខេត្តស្វាយរៀង ចំនួន១គ្រួសារ មានប្រសាសន៍ក្នុងឱកាសនោះ លោក ថន ថាវុទ្អា អភិបាលអភិបាលស្រុក និងជាប្រធានអនុសាខាស្រុកបានពាំនាំនូវប្រសាសន៍ផ្ដាំផ្ញើសួរសុខទុក្ខ និងសេចក្ដីនឹករលឹកពីសំណាក់ឯកឧត្តមនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារថ្នាក់កណ្តាលចុះជួយស្រុកចន្ទ្រា និងក្រុងបាវិត និង ឯកឧត្តម ម៉ែន វិបុលអភិបាលនៃគណៈអភិបាលខេត្តស្វាយរៀង ជូនដល់បងប្អូនប្រជាពលរដ្ឋជាពិសេសលោកតាលោកយាយចាសជរាក្រីក្រដែលទទូលអំណោយនៅពេលនេះ ហើយជានិច្ចកាល ឯកឧត្តមប្រធាន តែងតែគិតគូរពីសុខទុក្ខ និងជំរុញឲ្យមានការដោះស្រាយបញ្ហានានារបស់បងប្អូនប្រជាពលរដ្ឋគ្រប់ពេលវេលា និងគ្រប់ទីកន្លែង ។
ទន្ទឹមនេះ លោកអភិបាលស្រុក ក៏បានផ្ដាំផ្ញើដល់បងប្អូនប្រជាពលរដ្ឋទាំងអស់ត្រូវមានការប្រុងប្រយ័ត្នខ្ពស់ពីសុវត្ថិភាពផ្ទាល់ខ្លួន និងក្រុមគ្រួសារ ដោយត្រូវបិទទូរទស្សន៍ ទូរសព្ទ នៅពេលមានភ្លៀងធ្លាក់ ដែលងាយនឹងបង្កឲ្យមានគ្រោះថ្នាក់ដោយសាររន្ទះ ឬខ្យល់កន្ត្រាក់ រកកន្លែងដែលមានសុវត្ថិភាព ត្រូវមើលថែទាំកូនចៅឲ្យបានល្អ ជាពិសេសក្មេងតូចៗកុំឲ្យលេងទឹកដែលអាចបង្កឲ្យមានគ្រោះថ្នាក់ដោយករណីលង់ទឹក ត្រូវថែរក្សាសុខភាព និងមានអនាម័យល្អក្នុងការរស់នៅ ត្រៀមឧបករណ៍ សម្ភារ ពូជសម្រាប់ការងារបង្កបង្កើនផលនារដូវវស្សាខាងមុខឲ្យបានទាន់ពេលវេលា ។
អំណោយដែលបានចែកជូនគ្រួសារ១គ្រួសារ ទទួលបាន អង្ករ ៥០ គីឡូ មី ១ កេស ត្រីខ កំប៉ុង ១យួទឹកស៊ីអ៊ីវ ១ យួទឹកត្រី១យួ ទឹកក្រូច១កេសថវិកា ៥០០០០ រៀល ជាអំណោយរបស់ឯកឧត្តមនាយឧត្តមសេនីយ៍ ម៉ឹង សំផន និងលោកជំទាវ យស់ សុីមន ៕
