ស្វាយរៀង៖ព្រឹកថ្ងៃទី១០ ខែមិថុនា ឆ្នាំ២០២០ លោកសុខា រ៉ាម អភិបាលស្រុករំដួល បានអញ្ជើញជាអធិបតីក្នុងកម្មវិធីគម្រោងសាច់ប្រាក់ពលកម្មដើម្បីអភិវឌ្ឍន៍ហេដ្ឋារចនាសម្ព័ន្ធជនបទ និងការគាំទ្រកសិករ ដែលប្រព្រឹត្តទៅ នៅភូមិស្រម៉ ឃុំបុសមន ស្រុករំដួល ខេត្ដស្វាយរៀង។
ដោយមានការអញ្ជើញចូលរួម មានតំណាងមន្ទីរអភិវឌ្ឍន៍ជនបទ លោក ឈឹម បុរស អនុប្រធានមន្ទីរអភិវឌ្ឍន៍ជនបទខេត្ត លោក ខែក សុផាត ប្រធានការិយាល័យអភិវឌ្ឍន៍ជនបទអញ្ជើញចូលរួមបើកការដ្ឋាន មានក្រុមប្រឹក្សាឃុំ មេភូមិ ប៉ុស្តិ៍រដ្ឋបាល និងបងប្អូនប្រជាពល រដ្ឋនៅសងខាងផ្លូវ ។
មានមតិបើកការដ្ឋាន លោកអភិបាលបានលើកឡើងអំពីចំណុចសំខាន់ៗមួយចំនួនដូចតទៅ៖
១-សូមកោតសរសើរចំពោះការចូលរួមបរិច្ចាគដីធ្លី ដើម្បីកសាងផ្លូវ
២-ការចូលរួមរបស់បងប្អូននេះ គឺបានទាំងផ្លូវធ្វើដំណើរ បានទាំងកម្រៃពលកម្ម
៣-នេះជាការអភិវឌ្ឍថ្មីមួយទៀតក្នុងសហគមន៍បងប្អូន
៤-មួយវិញទៀតបងប្អូនត្រូវចូលរួមបង្ការ ទប់ស្កាត់ជំងឺកូវីដ-19 ដើម្បីសហគមន៍បានសុខសាន្ត
៥-ការចូលរួមគោរពច្បាប់ចរាចរណ៍
៦-ការចូលរួមរក្សាភូមិ ឃុំមានសុវត្ថិភាពទាំង៩ចំណុច
៧-ក្នុងរដូវវស្សានេះ បងប្អូនត្រូវមានការប្រុងប្រយ័ត្នទាំងអស់គ្នា នូវបាតុភូតធម្មជាតិកើតឡើងជាយថាហេតុ។
បន្ទាប់មកលោកខាងតំណាងមន្ទីរអភិវឌ្ឍន៍ជនបទធ្វើបទបង្ហាញ ពីបច្ចេកទេសនៃការធ្វើផ្លូវស្បៀងពលកម្មនេះ ជូនបងប្អូនប្រជាពលរដ្ឋ ព្រមទាំងបានស្រាយបំភ្លឺនូវចម្ងល់មួយចំនួនរបស់បងប្អូនប្រជាពលរដ្ឋ ផងដែរ ៕
