ខេត្តបន្ទាយមានជ័យ៖នៅថ្ងៃទី១៥ ខែមិថុនា ២០២០ដោយអនុវត្តតាមបញ្ជាដ៏ខ្ពង់ខ្ពស់របស់ ឧត្តមសេនីយ៍ទោ អាត់ ខែម ស្នងការ នគរបាលខេត្តបន្ទាយមានជ័យ នឹងក្រោមការដឹកនាំបញ្ជាផ្ទាល់ដោយលោក ឧត្តមសេនីយ៍ត្រី ចាប សុផាឬទ្ធិ ស្នងការរង ផែនការងារនគរបាលប្រឆាំងបទល្មើសសេដ្ឋកិច្ច កម្លាំងការិយាល័យនគរបាលប្រឆាំងបទល្មើសសេដ្ឋកិច្ច បានឃាត់រថយន្តមួយគ្រឿងម៉ាក TOYOTA SIENNA ពណ៌ផ្ទៃមេឃ ផលិតឆ្នាំ២០០៤ ពាក់ស្លាកលេខ ភ្នំពេញ 2AB-7392 ពាក់ព័ន្ធករណី ដឹកជញ្ជូនគ្រឿងក្នុងជ្រូកចម្រុះ ចំនួន ៥៤០គីឡូក្រាម គ្មានច្បាប់អនុញ្ញាត និងដឹកជញ្ជូនគ្មានលក្ខណៈបច្ចេកទេស អាចធ្វើឱ្យប៉ះពាល់ដល់សុខភាព អ្នកបរិភោគ ស្ថិតនៅចំណុចខាងកើតស្ពានទឹកថ្លា ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
បច្ចុប្បន្នគ្រឿងក្នុងជ្រូកចម្រុះទាំងនោះត្រូវបានកម្លាំងជំនាញនៃការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយមន្ត្រីផលិតកម្ម និងបសុព្យាបាលខេត្ត ធ្វើការដុតកម្ទេចចោល៕
