ភ្នំពេញ៖យ៉ាងហោចណាស់មានអ្នករងរបួសធ្ងន់នឹងស្រាល០៦នាក់ក្នុងហេតុការណ៍គ្រោះថ្នាក់ចរាចរណ៍បង្ករដោយរថយន្តដឹកដើមដូងបើកក្រឡាប់ខ្លួនឯងនៅចំណុចផ្លូវកោង។
កាលពីម៉ោង០៥និង៥០នាទីព្រឹកថ្ងៃទី១៦មិថុនា២០២០នៅលើផ្លូវជាតិលេខ៦Aក្រុមទី២១ភូមិក្តីចាស់សង្កាត់បាក់ខែង ខណ្ឌជ្រោយចង្វា រាជធានីភ្នំពេញ។
អ្នករងរបួសត្រូវបានរថយន្តសង្គ្រោះដឹកមកកាន់មន្ទីពេទ្យកាល់ម៉ែត្រមិនទាន់ស្គាល់អត្តសញ្ញាណ។
ប្រភពឲ្យដឹងថាមុនកើតហេតុឃើញរថយន្តមួយគ្រឿងម៉ាកហ៊ីយ៉ាន់ដាយពណ៌ ស ពាក់ស្លាកលេខភ្នំពេញ2P-2940 ដោយផ្ទុកដើមដូងជិត១០ដើមសំពីងសំពោងដោយបើកបរក្នុងទិសដៅពីលិចទៅកើតក្នុងល្បឿនលឿនខណះមកដល់ចំណុចខាងលើផ្លូវកោងអ្នកបើកព្យាយាមបួងចង្កូតគួបផ្សំរថយន្តដឹកធ្ងន់ផងក៍រ៉េចង្កូតធ្វើអោយក្រឡាប់រថយន្តតែម្តងក្នុងហេតុការណ៍ខាងលើមិនមានប៉ះពាល់អ្នកដ៍ទៃប៉ុន្តែអ្នកបើកបរនិងអ្នករួមដំណើរលើរថយន្តរងរបួសធ្ងន់ស្រាលត្រូវបានរថយន្តសង្គ្រោះដឹកមកកាន់មន្ទីពេទ្យកាល់ម៉ែត្រ។
បច្ចុប្បន្នរថយន្តខាងលើត្រូវសមត្ថកិច្ចស្ទូចយកមករក្សាទុកបណ្តោះអាសន្ននៅផ្នែកជំនាញខណ្ឌជ្រោយចង្វា៕
