ភ្នំពេញ៖នៅព្រឹកថ្ងៃទី១៨ខែមិថុនាឆ្នាំ២០២០នេះលោកខេនសុវណ្ណរ៉ាប្រធានក្រុមហ៊ុនWeGO បាននាំនូវសំភារៈមួយចំនួន
រួមមានម៉ាសម៉ាស៊ីនកំដៅជែលលាងដៃនិងSpray បាញដៃជូនដល់ឯកឧត្ដមដួងតារាជំនួយការសម្ដេចអគ្គមហាសេនាបតីតេជោហ៊ុនសែននិងជាអនុរដ្ឋលេខាធិការទីស្តីការគណៈរដ្ឋមន្ត្រីដើម្បីចូលរួមចែករំលែកជាមួយនឹងសកម្មភាពមនុស្សធម៌ដែលលឯកឧត្ដមតែងតែយកចិត្តទុកដាក់ជួយកន្លងមក។
នៅក្នុងពិធីជូនសម្ភារៈសប្បុរសធម៌នេះឯកឧត្តមដួងតារាបានថ្លែងអំណរគុណដល់ក្រុមហ៊ុនWeGO ដែលបានរកស៊ីនៅក្នុងប្រទេសកម្ពុជាហើយបានចូលរួមជាសកម្មភាពសប្បុរសធម៌ជួយដល់ប្រជាជនក៏ដូចជាមន្ត្រីរាជការដែលត្រូវការនូវសម្ភារៈប្រើប្រាស់ដើម្បីបង្ការនូវជំងឺខូវីដ19។
ឯកឧត្តមដួងតារាបានបញ្ជាក់បន្ថែមទៀតថាសម្ភារៈដែលទទួលបានពីក្រុមហ៊ុនWeGO ថ្ងៃនេះនឹងចែកជូនបន្តទៅដល់បុគ្គលិកអនាម័យក៏ដូចជាបងប្អូនកងការពារនៅក្នុងវិមានសន្តិភាពដើម្បីឲ្យពួកគាត់ទទួលបាននៅសម្ភារៈការពារសុខភាពរបស់ពួកគាត់ឲ្យបានកាន់តែល្អប្រសើរ។
លោកខេនសុវណ្ណរ៉ាប្រធានក្រុមហ៊ុនWeGO បានថ្លែងអំណរគុណយ៉ាងជ្រាលជ្រៅចំពោះឯកឧត្តមដួងតារាដែលបានផ្ដល់ឱកាសឲ្យលោកបានចូលជួបនិងបាននាំនូវសំភារៈការពារជម្ងឺកូវីដ១៩មួយចំនួនដើម្បីចូលរួមនៅក្នុងសកម្មភាពមនុស្សធម៌ថ្ងៃនេះ។
លោកខេនសុវណ្ណរ៉ាបានលើកឡើងបន្តទៀតថាលោកនឹងចូលរួមបន្តទៀតមិនថាតែសម្ភារៈប្រយុទ្ធប្រឆាំងនឹងជំងឺកូវីដ១៩ទេប៉ុន្តែនឹងមានការចូលរួមនូវសកម្មភាពមនុស្សធម៌ផ្សេងទៀតដូចជាប្រជាពលរដ្ឋដែលរងគ្រោះដោយសារខ្យល់កន្ត្រាក់និងបាតុភាពផ្សេងៗទៀតតាមរយៈឯកឧត្តមដួងតារាតាមលទ្ធភាពរបស់ក្រុមហ៊ុនដែលអាចធ្វើទៅបានដើម្បីរួមចំណែកនៅក្នុងការជួយដល់សង្គមក្រោមដំបូលសន្តិភាពដែលមានសម្ដេចអគ្គមហាសេនាបតីតេជោហ៊ុនសែនជាប្រមុខដឹកនាំ។
សូមបញ្ជាក់ផងដែរថាក្រុមហ៊ុនWeGO ជាក្រុមហ៊ុនផ្តល់សេវាកម្មដឹកអ្នកដំណើរតាមរយៈកម្មវិធីទូរស័ព្ទដៃទំនើបWeGO Taxi App ដែលលោកអ្នកអាចទាញយកពីApp Store ឬPlay Store ដើម្បីកក់ការធ្វើដំណើរតាមកង់បីនិងរថយន្តតាក់ស៊ីបានយ៉ាងងាយស្រួល។WeGO ជឿជាក់ក្នុងការធ្វើដំណើរ៕
