កំពង់ធំ៖កម្លាំងជំនាញព្រហ្មទណ្ឌនៃអធិការដ្ឋាននគរបាលស្រុកប្រាសាទបល្ល័ង្គ បានចុះអនុវត្តដីការបញ្ជាអោយចូលខ្លួនលេខ១២០៥អ យ/២០២០ចុះថ្ងៃទី១៦ខែមិថុនាឆ្នាំ២០២០ របស់លោក ដួង សារ៉ន ព្រះរាជអាជ្ញារងអមសាលាដំបូងខេត្តកំពង់ធំ នឹងបានឃាត់ខ្លួនបុរសម្នាក់ កាលពីថ្ងៃទី១៨ ខែមិថុនា ឆ្នាំ២០២០ម្សិលមិញនេះ។
យោងតាមដីការរបស់តុលាការបញ្ជាក់ថា ជនសង្ស័យដែលត្រូវឃាត់ខ្លួននោះមានឈ្មោះ សាត ភាព ភេទប្រុស អាយុ ២៨ឆ្នាំ នៅភូមិដងអន្ទាក់ ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ ។
ជុំវិញនៃការឃាត់ខ្លួនបុរសរូបនេះ ពាក់ព័ន្ធពីបទរំលោភសេពសន្ថវះលើអនីតិជនអាយុ ១២ឆ្នាំ កាលពីអំឡុងខែកុម្ភះឆ្នាំ២០១៩ កន្លងទៅ។
បន្ទាប់ពីឃាត់ខ្លួនកម្លាំងសមត្ថកិច្ចក៏បានបញ្ជូនជនត្រូវចោទ ទៅការិយាល័យប្រឆាំងការជួញដូរមនុស្ស និងការពារអនីតិជន ដើម្បីចាត់ការបន្តតាមនិតិវិធីច្បាប់៕
