ខេត្តបន្ទាយមានជ័យ៖លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ដឹកនាំក្រុមការងារអាជ្ញាធរមូលដ្ឋាន ចុះលាងសម្អាតតាមបណ្ដោយ ផ្លូវ ជាតិលេខ៥ ក្រុងប៉ោយប៉ែត ដោយការយកចិត្តទុកដាក់អំពីបញ្ហា បរិស្ថាន លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត តែងតែ ដឹកនាំក្រុមការងារ ចុះសម្អាត អនាម័យ យ៉ាងមមាញឹក ទោះលោក រវល់ រឺជាថ្ងៃឈប់សម្រាក ការងាររដ្ឋបាល ក៏លោក ឆ្លៀតពេល ដឹកនាំមន្ត្រីក្រោមឱ្យវាទ ចុះលាង សម្អាតអនាម័យ ផ្លូវសារធារណៈ ដែរ ។
ជាក់ស្តែងព្រឹកនេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានដឹកនាំក្រុមការងារ មន្ត្រីរដ្ឋបាលក្រុង អាជ្ញាធរ ចៅសង្កាត់ ប៉ោយប៉ែត និង សង្កាត់ផ្សារកណ្តាល អង្គភាពភូមិ ប្រជាការពារ នាំយករថយន្តដឹកទឹក ចុះបាញ់ លាងសម្អាតផ្លូវសារធារណៈ តាមបណ្ដោយផ្លូវជាតិលេខ៥ ចាប់ពីរង្វង់មូលច្រកទ្វារអន្តរជាតិ ដល់មុខសួនច្បារ ស្តង់តាងួនដើម្បីសម្អាតនិងមានការចូលរួមថែរក្សានិងមានការអនាម័យបរិស្ថានហើយក៏វិវឌ្ឍន៍ក្រុងប៉ោយប៉ែតឲ្យក្លាយជាក្រុងស្អាត។ដោយ៖លោកចាន់ពុធ
