ក្រុងប៉ោយប៉ែត ៖ នាព្រឹកថ្ងៃទី២០ខែមិថុនា ឆ្នាំ២០២០នេះលោកគាត់ ហ៊ុលអភិបាលគណៈអភិបាលក្រុងប៉ោយប៉ែតនិងជាប្រធានគណបក្សប្រជាជនកម្ពុជា អមដំណើរដោយលោក ភោគ លន ចៅសង្កាត់ប៉ោយប៉ែត • លោក វ៉ា ជឹមណារ៉េត • លោក ម៉ក់ រតនា មន្ត្រីគណបក្សប្រជាជន • លោក យ៉ុត ម៉ៃយ៉ាន • លោក ប៊ុន សុវុទ្ធា • ដឹកនាំក្រុមការងារ មន្ត្រី សមាជិ សមាជិការ សង្កាត់ ភូមិ កម្លាំងប្រជាការពារ ចុះប្រគល់ផ្ទះ ឈើ ប្រក់ស័ង្កសី ១ខ្នង និងគ្រឿងឧបភោគនិងបរិភោគ រួមមាន អង្ករចំនួន៥០គីឡូក្រាម និងទឹកត្រី១យួរ ជូនស្រ្តីមេម៉ាយ មានកូនក្នុងបន្ទុក ចំនួន០៧ នាក់ និងចៅ ម្នាក់ បន្ថែមទៀត ជាប្រជាពលរដ្ឋ រស់នៅភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលខ្ទមបាំងតង់ ចាស់ របស់គាត់ រងផលប៉ះពាល់ដោយសារខ្យល់កន្ត្រាក់រលំ ។
សូមជម្រាបថា ក្រោយទទួលព័ត៌មានភ្លាម លោក គាត ហ៊ុល អភិបាលនៃគណៈអភិបាលក្រុងប៉ោយប៉ែតនិងជាប្រធានគណបក្សបប្រជាជនកម្ពុជាក្រុងប៉ោយប៉ែត បានចាត់តាំង លោក ភោគ លន ចៅសង្កាត់ប៉ោយប៉ែតនិងជាប្រធានគណបក្សប្រជាជនកម្ពុជា សង្កាត់ប៉ោយប៉ែត និងលោក វ៉ា ជឹមណារ៉េត ដឹកនាំក្រុមការងារ ចុះសាងសង់ផ្ទះឈើ ប្រក់ស័ង្កសី ១ខ្នង ដោយ ចំណាយថវិការ សរុប ១៥០០,០០០រៀល ( មួយលានប្រាំសែនរៀល ) ដែលចំណាយថវិការបស់លោក គាត ហ៊ុល ប្រធានគណៈបក្សក្រុង និងមានការចូលរួមថវិការ ពីគណបក្សសង្កាត់ប៉ោយប៉ែត មួយចំនួនផងដែរ ។
ដោយឡែក នៅព្រឹក ថ្ងៃ ខែ ដដែលនោះ បន្ទាប់ពីប្រារព្ធ ពិធីប្រគល់ ផ្ទះជូនស្ត្រីមេម៉ាយរួច លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត និងជាប្រធានគណបក្សបប្រជាជនកម្ពុជាក្រុងប៉ោយប៉ែត បន្តដឹកនាំក្រុមការងារ ចែកអំណោយមនុស្សធម៌ ដល់ប្រជាពលរដ្ឋ ដែលមានជីវភាពខ្វះខាត ខ្លាំង ស្ថិតក្នុងស្ថានភាព ជំងឺកូវីដ១៩ បាននឹងកំពុងរីករាលដាលនៅក្នុងព្រះរាជាណាចក្រកម្ពុជា និងជាសកល ចំនួន២០គ្រួសារ នៅសាលាសង្កាត់ប៉ោយប៉ែត ។
នៅក្នុងឱកាសនោះ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែតនិងជាប្រធានគណបក្សប្រជាជនកម្ពុជា ក៏មានមតិជួបសំណេះសំណាល សួរសុខទុក្ខ ផ្ដាំផ្ញើរ ពីថ្នាក់ដឹកនាំ គណបក្ស ដែលជានិច្ចកាល មន្ត្រីគណបក្សប្រជាជនកម្ពុជា តែងតែគិតគូសុខទុក្ខបងប្អូនប្រជាពលរដ្ឋ មានជីវភាពខ្វះខាត ជួបទុក្ខលំបាក ជនងាយរងគ្រោះ គ្រប់ប្រភេទ ដោយមិនប្រកាន់ រើសអើងវណ្ណៈ ជាតិសាសន៌ ពណ៌សម្បុរ ឬនិន្នាការនយោបាយអ្វីឡើយ ៕
