កំពង់ចាម៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំកិច្ចប្រជុំត្រួតពិនិត្យវឌ្ឍនភាពការងាររបស់រដ្ឋបាលខេត្ត ដេីម្បីដាក់ទិសដៅការងារអភិវឌ្ឍន៍បន្ត ស្រមតាមតម្រូវការនៅថ្នាក់មូលដ្ឋាន ផ្អែកទៅតាមទិសដៅអភិវឌ្ឍ របស់រាជរដ្ឋាភិបាលកម្ពុជា ដែលបានធ្វេីឡើងនាព្រឹកថ្ងៃទី២២ ខែមិថុនា ឆ្នាំ២០២០ ក្រោមវត្តមាន ឯកឧត្ដម ខ្លូត ផន ប្រធានក្រុមប្រឹក្សាខេត្ត ដោយមានការអញ្ជើញចូលរួមពី អភិបាលរងខេត្ត ថ្នាក់ដឹកនាំតាមមន្ទីរ និងមន្ត្រីពាក់ព័ន្ធ ជាច្រើនរូបផងផងដែរ។
គួរកត់សំគាល់ថា ក្រោមការដឹកនាំរបស់ ឯកឧត្ដម អ៊ុន ចាន់ដា អភិបាលខេត្តកំពង់ចាម ចំពោះអ្នកកេីតជំងឺកូវីដ១៩ នៅក្នុងខេត្ត មានចំនួន១៦នាក់ ដែលសុទ្ធសឹងតែជាជនបរទេស ត្រូវបានធ្វេីការព្យាបាល ជាសះស្បើយទាំងអស់ ហើយមិនបានធ្វើឲ្យប៉ះពាល់ឬរាំងស្ទះដល់ដំណើរការអភិវឌ្ឍន៍របស់ខេត្តកំពង់ចាមនោះឡើយ ក្នុងនោះមានដូចជា ការសាងសង់ស្ពានគៀនជ្រៃ ត្រូវបានសម្រេចមុនផែនការកំណត់ ជាមួយគ្នានោះ គម្រោងសាងសង់ខឿនច្រាំងទន្លេនៅក្នុងក្រុងកំពង់ចាម ក៏ដូចជាគម្រោងសាងសង់ច្រាំងនៅក្នុងស្រុកកោះសូទិន និងនៅតាមបណ្ដាស្រុកមួយចំនួនទៀត ត្រូវបានធ្វើការស្ថាបនាឡើងជាបន្តបន្ទាប់ ព្រមទាំងបានធ្វេីការអភិវឌ្ឍន៍ គម្រោងស្ថាបនាផ្លូវនៅតាមបណ្ដាក្រុង-ស្រុក ជាពិសេសនៅស្រុកស្រីសន្ធរមានផ្លូវល្អ ព្រមទាំងបំពាក់អំពូលភ្លើងអគ្គិសនីបំភ្លឺតាមដងផ្លូវចាប់ពីព្រំប្រទល់ស្រុកកោះសូទិន រហូតដល់ព្រំប្រទល់ស្រុកខ្សាច់កណ្តាល ខេត្តកណ្តាល ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា តាមរយះ ក្រុមហ៊ុន ប៉េង ហួត គ្រុប និងក្រុមការងារចុះជួយស្រុក ព្រមទាំងសប្បុរសជនជាច្រើនទៀត ដែលបងប្អូនប្រជាពលរដ្ឋមានការងាយស្រួលក្នុងការធ្វើដំណើរ ដោយមិនថាពេលយប់ឬក៏ពេលថ្ងៃនោះឡេីយ ៕
